صور فتاة الشرقية سلمى بهجت أثارت تعاطف كبير من قبل رواد مواقع التواصل الاجتماعي خلال الساعات الماضية بسبب الجريمة البشعة التي تشبه في أحداثها حادثة نيرة أشرف حتى أن القاتل إسلام فتحي كشف عن تنفيذ جريمته مثلما حدث مع فتاة جامعة المنصورة.
حادث فتاة الشرقية نفذ من شهرين تقريبا عندما أقدم محمد عادل على إنهاء حياة زميلته نيرة أشرف، فالقاتل إسلام فتحي اعترف بأن دبر الحادث بعدما شاهد حادث نيرة أشرف، والغريب أن المتهم نشر صور لفتاة الزقازيق المغدورة.
وفي قضية سلمى بهجت فتاة الزقازيق كشف المتهم إسلام فتحي عن انتقامه من المجنى عليه بسبب ارتباطهما عاطفيا ثم قررت الفتاة إنهاء العلاقة فأعد العدة وجهز نفسه وخطط لتنفيذ جريمته أثناء تردد سلمى بهجت على مكان عملها والذي تتدرب فيه على الإعلام والصحافة، نظرا لأنها طالبة في كلية الإعلام بأكاديمية لشروق الخاصة.
نص اعترافات إسلام فتحي قاتل سلمى بهجت
وأوضح إسلام فتحي المتهم بقتل سلمى بهجت، أنه ساعد الفتاة لكنها تخلت عنه وقررت إنهاء العلاقة دون رغبته فخخط للتخلص منها، ونشر ستوري عبر تطبيق واتس آب يشمل صورة سلمى بهجت وكتب عليها: “كتبت اسمها بالنار علشان أثبت إن حبي لها عمره ما هينطفي”.
رواد مواقع التواصل الاجتماعي هاجموا الطالب إسلام فتحي، وقال أحد رواد مواقع التواصل الاجتماعي: “عملية القتل البشعة اللي تمت لفتاة الشرقية مش هتكون الأخيرة.. عارفين ليه ؟ لأنها كانت باينة يوم مقتل نيرة أشرف”.
فيديو مقتل فتاة الزقازيق سلمى بهجت
لمشاهدة فيديو فتاة الزقازيق اضغط هنــــــــــــا
وأضاف في تعليقه على فيديو الزقازيق: “كان فيه آلاف التعليقات المتعاطفة مع القاتل.. وتعليقات بتقول “جايز عملت له حاجة” أهو أصحاب التعليقات دي قنابل موقوتة ممكن أي واحد فيهم ينفذ جريمة أبشع من نيرة ومن فتاة الشرقية.. ربنا يلطف على عيالنا من ولاد الكلب اللي ماليقيوش حد يربيهم”.
وقال أحد أصدقاء فتاة الزقازيق: “ربو ولادكوا يا جماعة علموهم الدين والتربيه الصح وانتبتوهم من حلال، وازاي يكونو ناس سوية، مش مريضة مش قادرين تعلموهم وتربوهم صح متخلفوش وترمو وتنسو تربو وتجيبوا عقول مريضة تخرب في المجتمع”.
وأضاف: “مفيش سبب مقنع يخلي واحد خسارة يتقال عليه إنسان أنه يقتل بنت بريئة الكل بيشهد بأخلاقها وتفوقها أنه يقتلها بالطريقه البشعه دي واحد خساره يتعدم كده بسهوله والله الإعدام خساره فيه حسبي الله ونعم الوكيل فيه وفي أهله قبله”.
وتابع: “بقينا عايشين في غابه ماشيين نقتل في بعض وبقى في وسطنا عقول مريضة بتدافع حتى عن الغلط اللي خلى أكبر محامي في مصر زي فريد الديب يدافع عن قاتل نيره أشرف لمجرد أنه يتشهر ولا علشان الفلوس وجود الناس اللي زي دي هو اللي مبوظ المجتمع”.
واختتم: “المفروض يكون في عقاب رادع للمجرمين اللي زي دول يتقتلوا بنفس الطريقه في نفس المكان علشان ميبقاش في ١٠٠ زي محمد عادل ولا زي إسلام ويبقى في ضحايا كتير زي سلمي ونيرة.. حسبي الله ونعم الوكيل”.
هجوم على محمد عادل بعد حادث فتاة الزقازيق
وأوضح مهدى مصطفى في تدوينة على موقع التواصل الاجتماعي “فيس بوك”: “طبيعي جدا ..تهديد واضح من القاتل وتنفيذ كمان .. و اللي توقعناه حصل طالما لم ينفذ الإعدام في سفاح المنصورة المجرم و على الملأ وأمام كل الناس”.
وأضاف: “طالما ظهر ناس مؤيده لمحمد عادل إما بدافع الحقد و الغيرة سواء كان شباب بيحقد على أي واحدة جميلة عشان مش طايلها أو بنات بتحقد على اي بنت جميلة عشان بتفكرها بقبحها و حياتها البائسة.. يبقى هتشوف كتير و هانسمع كتير”.
فيديو نيرة أشرف بالمشرحة.. اعرف رد فعل أسرة نيرة بعد مشاهدة الفيديو الصادم
وتابع: “كمان شوية هاتلاقي أهالي الضحايا بتاخد حقها بنفسها لأن هايعتقدوا أن القانون مش بيجيب حقهم ولا حق ولادهم.. هنعيش في غابة وفوضى كل واحد مش همه حد يرتكب أي جريمة وكل صاحب حق ياخد حقه بايده.. هوا ده اللي احنا عايزينه والدولة عايزاه”.
وواصل: “مطلوب قبضة قوية صارمة تفرم المجرمين وإجراءات استثنائية على الأقل حاليا لحد ما الناس تعرف إن الدولة ليها هيبة وفيها قانون”.
