رسالة شيكابالا للاعبي منتخب الشباب.. حالة من الجدل أثيرت خلال الساعات الماضية بعد تصريح صلاح باشا لاعب منتخب مصر للشباب بشأن طلب محمود عبد الرازق شيكابالا منه الاحتفال على طريقته الملاكمة.
جماهير النادي الأهلي هاجمت شيكابالا قائد نادي الزمالك، واعتبرت أنه يطلب الاحتفال من اللاعبين الشباب على طريقته، وهو ما رد عليه اللاعب عبر حسابه على موقع التواصل الاجتماعي إنستجرام.
رغم نفي اللاعب صلاح باشا طلب شيكابالا منه الاحتفال على طريقته، لكن استمرت الجماهير في الإدعاءات ومهاجمة قائد الزمالك.
أحد أصدقاء محمود شيكابالا نشر عبر حسابه الشخصي فيديو رسالة شيكابالا إلى لاعبي منتخب الشباب الذي خاضوا المباراة النهائية أمام السعودية والتي خسرها منتخب مصر للشباب بركلات الجزاء الترجيحية، بعد انتهاء الوقتين الأصلى والإضافي بالتعادل الإيجابي.
وقال أحمد مصطفى صديق شيكابالا عبر حسابه الشخصي على موقع التواصل الاجتماعي فيس بوك: “رسالة من شيكابالا إلى لاعبي منتخب الشباب قبل مباراة السعودية”.
وأضاف: “ده فيديو شيكابالا من ٤ أيام والحمد لله إني رفعته من وقتها وكنت قفله علشان يبقي مؤرخ بتاريخه لعلاء ورجالته”.
كواليس تصوير فيديو شيكابالا للاعبي منتخب مصر للشباب
وكشف عن ملابسات تصوير فيديو رسالة شيكابالا للاعبي منتخب الشباب قائلا: “كابتن عمر جابر لاعب فريق بيراميدز والزمالك السابق ابن مدرب المنتخب محمود جابر كلم شيكابالا وقاله اللاعيبة بتحتفل اصلا بالاحتفال بتاعك الماتشات اللي فات وأنت بالنسبه لهم رمز ممكن تعملهم فيديو دعم يا كابتن”.
وأضاف صديق قائد الزمالك: “رغم أن شيكابالا قافل قصة الفيديوهات دي نهائيا حتى مع أقرب الناس له علشان أنتوا مش متخيلين الأعداد اللي بتطلب منه القصه دي.. عمل الفيديو علشان يدعم الشباب..
فبدل ما الناس تعظم دوره كقائد محبوب تألف وتتوهم وتعمل اسكرينات مضروبة.. عننك أزمة نفسية يعني منها البعض اسمها شيكابالا حرفيا”.
وتابع: “طيب سيبك يا عم من كل اللي فوق ده كدب.. شيكابالا يعرف صلاح باشا منين قبل كدا علشان يكلمه لا ويطلب منه طلب بعشم، اللاعب نفسه نفي، صلاح باشا نفي أنه حصل اتصال بينه وبين شيكابالا”.
قرارات الأهلي فاشلة.. كيف ضحك الخطيب على جمهور الأهلي؟
وواصل: “اللعيبة قبل المباراة النهائية احتفلوا الاحتفال ده أكثر من مرة لذلك هو في نهاية الفيديو اللي تحت قالهم مستنه تاني، أظن الموضوع كدا واضح جدا وهنا أوجه رسالتي للصحفيين.. الصحفيين مش الصفحات ولا اللي بقي ده رزق بيسترزقوا من وراه، لا للصحفيين هل هتوضح الحقيقة اللي حضرتك جريت وراء التريند وكتبت كلام كذب من غير ما تتحري الدقه بالطبع لا”.
واختتم: “بالمناسبة ودي للصفحات وخاصة الأهلاوية منها.. هل تعلم أن الموقع اللي فبرك فيديو هتافات نهائي الكأس مسح الفيديو وده اعتراف رسمي منهم أن الفيديو مفبرك.. هل هتأخد الخبر ده وتوضح للناس ولا أنت حابب الريتش حتى لو على حساب التزيف اللي ممكن ميكونش ليك دخل فيها في الأول بس أديك وضحت لك الحقيقة.
نص رسالة شيكابالا للاعبي منتخب الشباب
وجاءت نص رسالة شيكابالا إلى لاعبي منتخب الشباب قبل مباراة السعودية كالتالي: “رجالة زي ما أجبرتونا نتفرج عليكم الماتشات الماضية.. النهاردة هنتفرج عليكم ويكلل مجهودكم وغحنا بناخد البطولة”.
وأضاف شيكابالا: “الماتشات دي مش بتتلعب كورة بس.. لا زم يبقي عندكم قلب لازم يبقي عندكم روح.. لازم يبقي عندكم تضحية وتلعبوا على قلب رجل واحد .. وقائد السفية الكابتن محمود جابر ربنا معاكم وترجعوا بالبطولة”.
وفي السياق قال عز منير في تعليقه على موقع التواصل الاجتماعي فيس بوك: “جمهور السوشيال ميديا لقي نفسو رجع لورا وبقي ملوش لازمه والمدرج دائما وابدا هو صاحب الكلمة قالك نقضيها حكايات ولايكات، خش يا نجم شوف الفيديو اللي اتعمل قبل ماتش النهائي وبعد أول احتفال شبابنا عملوه من نفسهم”.
وخسر منتخب مصر للشباب بطولة كأس العرب للشباب أمام السعودية بركلات الترجيح في المباراة النهائية، وانتشر احتفال بين لاعبي منتخب الشباب ومنهم صلاح باشا على نفس طريقة احتفال شيكابالا مع أحمد سيد زيزو لاعب الزمالك.
