تصدر اسم المطرب الشعبي رضا البحراوي تريندات مصر خلال الساعات الماضية عقب الإعلان عن التعديل الوزاري الجديد، والذي جاء فيه الدكتور رضا حجازي وزير التعليم الجديد بعد إعفاء طارق شوقي وزير التربية والتعليم من منصبه.
وفي تريند ساخر تداول أولياء الأمور والطلاب على مواقع التواصل الاجتماعي اختيار رضا البحراوي في منصب وزير التعليم، وكتبوا تعليقات ساخرة أن موقف التعليم والمدارس في حالة تولي رضا البحراوي منصب وزير التربية والتعليم، وعبر أولياء الأمور عن عدم تفاوئلهم من تعيين الدكتور رضا حجازي في منصب وزير التعليم التعليم خاصة أنه يعد الذراع الأيمن للدكتور طارق شوقي.
وتداول الطلاب مواقف ساخرة في حال تعيين رضا البحراوي وزير التعليم، وقال الطالب مصطفى أحمد: “ده رضا البحراوي هيديكوا واحدة إللي حكالك عني وأنت صدقته هتجبكوا الأرض”، ورد عليه أشرف محمود: “رضا البحراوي لما حد يغش في الثانوية العامة.. أنا مش هكلمك.. عشان أنا اللي معلمك”.
سخرية الطلاب وأولياء الأمور من رضا البحراوي
وقالت فرح محمد على موقع التواصل الاجتماعي “فيس بوك”: “رضا البحرواي ل طارق شوقي.. لو كنت على هوايا كنت خدتك معايا”، وتابع إبراهيم السيد: “أهو ده مش هيودينا مدارس وهيخلينا في الدنيا نتعلم ”.
تنسيق الكليات 2022.. مؤشرات تنسيق الثانوية العامة طب 92% وهندسة 80% وعلوم سياسية 85%
وأوضح محمد عمر طالب بالصف الثالث الثانوي العام: “مفرحناش يا مستر.. رضا حجازي ده حبيبنا من أيام الجيزة وعارفين إنه دراعهم اليمين والله.. وأنا عماله أقول في أيه أنام وأقوم اصحي الاقي اللاين كله أنه رضا البحراوي مسكوه وزير التعليم.. ربنا يسترها عاللي جااي”.
من هو رضا البحراوي المطرب الشعبي؟
سيطر المطرب الشعبي رضا البحرواي على الأغاني الشعبية إذ بدأ مشواره الغنائي في سن مبكر ولم يكن عمره يتجاوز 12 عاما، وجاءت أغاني رضا البحرواي منتشرة في الأفراح الشعبية.
وتنتشر أغاني ومهرجانات رضا البحراوي في الكثير من الأفراح وكذلك وسائل النقل والمواصلات مثل سيارات الميكروباص والتوكتوك، وأيضا انتشرت في أفراح الطبقة العليا، وبات من أهم مطربي المهرجانات المشهورين في مصر.
وولد رضا البحراوي في منطقة الساحة الشعبية بمحافظة الغربية واسمه بالكامل رضا محمد محمد درويش البحراوي، واستطاع تحقيق نجاح كبير فى الغناء الشعبي، وكون فرقة للغناء فى الأفراح الشعبية وأصبح من المطربين المطلوبين في الأفراح.
أغاني رضا البحراوي
ويعد مهرجان زمن الوحوش وأغنية علمني يابا من أشهر أغانيه وشارك في غناء تتر فيلم حلاوة روح، وله الكثير من المهرجانات والأغاني المنتشرة بين الشباب بخلاف حضوره الأفراح والحفلات الكبيرة.
وبشأن حالة عدم التفاؤل من اختيار رضا حجازي وزير التعليم الجديد بعد الدكتور طارق شوقي، قالت هدى عمرو: “مش عارفة الناس اللي فرحانة على القرار الجديد ده فرحانة على أيه هو بيقول إقالة طارق شوقي مش إقالة النظام الجديد”.
أبوعقيل وقورة.. رد صادم من وزير التعليم على درجات أبناء عائلات سوهاج في الثانوية العامة 2022
وأضافت: “وبعدين الناس اللي بتقول رضا حجازي أحسن ومش عارف أيه عايزة أقول إن رضا حجازي هو أصل وأساس المنظومة التعليمية الجديدة لأنه وكيل طارق شوقي يعني أي قرار بياخده طارق بيناقشه مع رضا حجازي أو ممكن القرار بياخده رضا حجازي وبيوافق عليه طارق شوقي ”.
غضب من تولي رضا حجازي وزارة التعليم
وتابعت: “النظام الجديد وفَّر على الدولة ملايين من الفلوس اللي كانت بتروح في طباعة كتب وطباعة الامتحانات غير أنه مبقاش حد بيروح مدارس وبالتالي برضه مش محتاجين يفتحوا مدارس تاني فطبعا رضا حجازي مش هيلغي النظام الجديد.. أنا من وجهة نظري النظام الجديد ده أحسن بكتير جدا من النظام القديم على الأقل هنحس إننا بنتعلم فعلا عكس النظام القديم نحفظ كلمتين ويوم الامتحان نكتبهم وبعدين الكلام كله يطير من دماغنا ”.
وواصلت: “بس برضه أنا زي أي طالب حسيت من السنة الأولى اللي عدت عليا في النظام الجديد باليأس وصعوبة في التطبيق وضغوط نفسية كثير جدا بسبب النظام ده بس صدقوني ده ولا ذنبي ولا ذنبك ده سبب دولتك اللي عايزة توفر الميزانية.. كان المفروض قبل ما يحطوا النظام الجديد يهيأوا المعلم الأول ع النظام الجديد.. معلش آسفة يعني بس أي معلم أنا باخد معاه وأنت بتاخد معاه قضي حياته التعليمية بالنظام القديم وهما أكيد بيحاولوا كتير يطوَّروا من نفسهم وطريقتهم .. أما الدولة غيرت الامتحان بس حتى ماعملتش منهج جديد ولا غيرت فيه ”.
