5 مكاسب للأهلي ومحدش يغرم الزمالك.. رئيس إنبي يفجر مفاجأة عن الأهلي وعامر حسين

الزمالك انسحب من مباراة القمة لكن توابع الاعتذار مخلصتش.. والمشاكل كتيرة والتهديدات أكتر.. رابطة الأندية كل شوية المسئولين فيها يطلعوا يتكلموا مرة عشان يخوفوا الزمالك.. ومرة تانية يحايلوهم عشان يرجعوا في قرارهم ويكملوا لعب في الدوري.

لكن المفاجأة أن مفيش حد هيقدر يغرم نادي الزمالك.. إزي ده هيحصل؟.. وأيه المفاجأة اللي بتنصف حسين لبيب في لائحة الأندية؟.. ومين هي الأندية اللي تضامنت مع الزمالك وأعلنت التمرد؟.. وأيه هي مكاسب الأهلي من اللي بيحصل؟.. ده اللي هنعرفه مع بعض في “قشة لفة بلس”.

رابطة الأندية أعلنت بشكل رسمي خسارة الزمالك 3 نقط وخصم 3 تاني في آخر الموسم بعد انسحابه من مباراة القمة قدام الأهلي اللي كانت يوم التلات 25 يونيو 2024.. لكن المفاجأة في اللي هيحصل آخر الموسم.. وده اللي اتكلم عليه أيمن الشريعي رئيس نادي إنبي

أيمن الشريعي قال دلوقتي فيه ارتباك ناتج عن قلة الخبرة الإدارية اللي عملوا لايحة كلها مشاكل ده غير مشاكل الجدول وترتيب المباريات.

وإحنا وافقنا علي اللائحة وصح وكله تمام.. بس احنا غلطنا وتحملنا الغلط.. ولازم دلوقتي نحل الموقف حل جذري مش مجرد كلام.

بناء علي أيه هيتم توقيع عقوبة علي نادي الزمالك ودا مش منصوص عليه في اللائحة منذ بداية الموسم.

رابطة الأندية مش هتقدر تفرض عقوبة مالية على الزمالك لأن اللائحة لم تنص على قيمة العقوبة قبل بداية الموسم.

اللائحه بتاعه الحاج عامر حسين بتقول إن الغرامة لازم تتحدد قبل بدايه الموسم وهم محددوش.. والسطر ده محطوط في العقوبة على اللي فرضوها على الزمالك بناء على ايه.. إحنا بندفع تمن الأخطاء مع الزمالك والمحلة المصري.
وأنا لو عملت مشكلة مكنش حد هيحس بيا زي الزمالك وعشان نحل الأزمة لازم حل حذري للموضوع من جذوره عشان نطور الدوري المصري.
أنا كنادي إنبي جالنا خطاب من لجنة المسابقات يوم 4 أبريل بيقولي أنت هتلعب مع الأهلي يوم 8 أبريل إزي ده يحصل.. مشوفتش ده في حياتي قبل كدا..  يعني أيه بعد 3 أيام هلعب مع الأهلي مش فيه جدول للدوري.

ونفس الكلام أكده محمد عادل المشرف على فريق المقاولون العرب اللي قال: “أؤيد نادي الزمالك في موقفه لان الكرة المصرية مفيهاش عدالة في اي شئ ومفيش مساواة بين الفرق من ناحية التحكيم والمباريات”.

إحنا هنطالب بإعادة لقاء المقاولون قدام بيراميدز، وطلبنا ده بشكل رسمي.. ولازم يبقي فيه إدارة احترافية لكرة القدم المصرية، بعيد عن المجاملات اللي بتحصل في الفترة الماضية.. ومش عارف سر الأخطاء المتكررة، ومش هينصلح حال الكرة في ظل غياب الاحترافية عن العاملين والمسئولين عن المنظومة”.

مصطفى الشامي رئيس نادي بلدية المحلة قال موقف الزمالك بين على الشاشة الكبيرة كم المشاكل اللي حوالينا.. والمسابقات كلها أزمات وتقريباً إحنا بنعيش أسوء موسم تحكيمي في تاريخ الدوري المصري”.

الشامي كمل كلامه وقال: “الجميع حزين من الوضع، وفيه أزمة شديدة، واللي بيحصل كان بسبب أزمات متراكمة، مش وليدة اللحظة.. والخروج منها يحتاج الاستماع لمشاكل كل الأندية”.

وليد صلاح الدين نجم الأهلي قال: “الأهلي كسبان مليون %.. وفاز على كل المستويات وخد 3 نقط بتوع المباراة ولاعيبته خدت راحة من الضغوطات خصوصا أن ده ماتش قمة.. وكمان المصابين هيرجعوا ويقدروا يلعبوا في الدوري.

وكدا الأهلي وصل للانتصار رقم 8 على التوالي في الدوري وآخر هزيمة كانت قدام الزمالك في الدور الأول.. وبينافس بيراميدز كأفضل خط هجوم برصيد 42 هدف.. ده غير أنه بيضغط على المنافس المباشر بيراميدز وبيوصل للمركز التاني.

مقالات ذات صلة

زر الذهاب إلى الأعلى

MKSports

Mostbet

Jeetwin

Jaya9

MCW

Babu88

Nagad88