من تاني رجعت ليلى عبداللطيف تثير الجدل.. وبعد كل أزمة كبيرة في مصر أو أي مكان في العالم.. الناس بتدور على توقعات العرافة اللبنانية.. وأغلب الأزمات الكبيرة اللي بتحصل ليلى بتكون تنبأت بيها أو بجزء منها.. وده نفس اللي حصل مع طائرة الرئيس الإيراني ووفوز الأهلي على الترجي.. وكمان رحيل أحمد رفعت لاعب فريق مودرن فيوتشر ومنتخب مصر.
لكن المفاجأة في التفاصيل اللي حكتها.. بس يا ترى أيه هي توقعات العرافة اللبنانية عن بطل الدوري المصري؟.. وأيه موقف النادي الأهلي في البطولات الجاية؟.. ومنتخب مصر هيعمل أيه مع حسام حسن؟.. وكمان المنتخب الأولمبي هيعمل أيه في أولمبياد باريس؟.. ده اللي هنعرفه مع بعض “قشة لفة بلس”.
يوم 6 يوليو 2024 في صحينا على خبر صدم كل المصريين وخصوصا جماهير الكرة.. لما سمعوا برحيل لعيب شاب محترم وخلوق.. وهو أحمد رفعت.. نجم فريق مودرن فيوتشر.. عشان بعدها رواد مواقع التواصل الاجتماعي يتداولوا توقعات العرافة اللبنانية ليلى عبداللطيف اللي قالت في تصريحات تليفزيونية قديمة مع الإعلامي اللبناني “نيشان” على قناة “الجديد” يوم 12 فبراير 2024 : “فيه لاعب رياضي شهير هيتعرض لأزمة صحية طارئة.. هترافقه أحداث مثيرة وحالة كبيرة من البلبلة على أرض أحد الملاعب.. وهتأدي لوفاته”.
وده فعلا اللي حصل مع أحمد رفعت اللي تعرض لأزمة قلبية مفاجأة قبل 3 أشهر.. وهو بيلعب مع فريقه في الدوري.. وسقط على أرضية الملعب وقلبه وقف وبعدها نقلوه للمستشفى.. وخضع للإجراءات العلاجية وقدر الأطباء ينعشوا القلب.. ورجع للحياة من تاني بعد فترة في المستشفى.. لكن في فجر يوم السبت 6 يوليو اتعرض لأزمة تانية أدت لوفاته.
ليلى عبداللطيف بتطلع تريندات كل شوية وده حصل بعد مباراة الأهلي والترجي في نهائي دوري أبطال أفريقيا اللي فاز بيه الأهلي.. والجماهير هاجمتها.. عشان قالت: الأهلي هيخسر من الترجي ومش هيجيب أجوال في تونس.. وده اللي حصل”.
بس العرافة اللبنانية طلعت ونفت الكلام ده وقالت: “دول بتوع الترجي عشان يدعموا فريقهم.. أنا قلت إن فريق مصري هيحصد لقب مهم وهتخرج الجماهير المصرية للاحتفال في الشوارع.. وده اللي حصل والأهلي توج في استاد القاهرة والجماهير المصرية نزلت الشارع تحتفل”.
ليلى عبداللطيف اتوقعت مشوار الأهلي في بطولة الدوري المصري.. وبطولة كأس إنتركونتنتال وكاس العالم.. وقالت: “أرى فريق الأهلي في مصر سوف يكتسح الدوري المصري.. كما أرى أن مصر ستكون حاضرة في مونديال 2026.. وقد تشكل أكبر المفاجات مع فريق عربي آخر.. وكل الأنظار ستتجه إلى الفريق المصري خلال المرحلة المقبلة”.
الإعلامي عمرو أديب سألها: “يعني راحين المونديال”.. ردت وقالت: “نعم هذا حاسبني عليه بإذن الله.. وأرى أن الأهلي سيكتسح الدوري.. وشوارع مصر سوف تمتلئ بالجماهير التي آراها تحتفل.. وللمرة الثالثة والرابعة والخامسة.. بسبب إنجاز رياضي للنادي الأهلي.. وهذا الإنجاز هيكون بارز وكبير خارج مصر”.
وأنا قولت قبل كدا المغرب هيوصل للنص النهائي.. نفس الشيء هيحصل مع الأهلي.. ومصر هتكون في كاس العالم.. وهتكون مؤثرة.. يعني مش حضور أي كلام.
وكمان أولمبياد باريس الرياضي هيحقق نسبة نجاح وجماهير عالية وأراه يمر بسلام.. على الرغم من حصول بعض الأحداث الصغيره بس مش هتعكر الأجواء.. لكنه هيمر على خير وبدون أي توقف أو ضرر.. وهنشوف حشود وجماهير لبنانية ومصرية أمام أبواب السفارة المصرية في لبنان احتفالا بحدث رياضي بارز وكبير للنادي الأهلي”.
وحسب كلام العرافة اللبنانية الأهلي هيقدر يحقق لقب الدوري المصري وياخده من فريق بيراميدز اللي يعتبر هو المنافس الوحيد للأهلي خصوصا أنه بيحتل صدارة جدول ترتيب الدوري بفرق نقطة واحدة عن الأهلي اللي لو فاز في المؤجلات هيكون في القمة.
