تريندات مصر misrtrends يقدم شقيق أحمد رفعت متأثرًا: «مش مستوعب ولا مصدق» والذي يوضح أحدث التطورات على الساحة الرياضية والتي يترقبها عشاق كرة القدم في مصر والوطن العربي.
ويُعد موقع تريندات مصر منصة رياضية تُعنى بتغطية الأحداث الرياضية الجارية والتريندات في مصر والعالم العربي، وينشر الأخبار العاجلة ومتابعة المباريات لحظة بلحظة.
لحظات صعبة تعيشها أسرة أحمد رفعت لاعب فريق مودرن فيوتشر السابق والذي توفاه الله صباح أمس السبت بعد انتكاسة في حالته الصحية، فلم يتمالك محمد رفعت شقيق لاعب المنتخب الوطني السابق نفسه خلال كتابته كلمات الوداع الأخيرة لشقيقه الذي كان يعتبره والده وليس أخ أكبر له.
وكتب محمد رفعت عبر صفحته بموقع التواصل الاجتماعي فيس بوك : «أول مرة أكتب وقلبي وعقلي مش مستوعبين اللي بكتبه أو اللي بحكيه لأن أنا النهارده فقدت روحي والله العظيم روحي وسندي وضهري أخويا وأبويا أحمد رفعت.
وتابع : من 17 سنة أبويا رحمة الله عليه توفى وكان عندي حوالي 12 سنة ومكنتش حاسس بأي حاجة غير إن أبويا مش هشوفه تاني وهيوحشني أوي فكنت بعيط وقدام الناس كلها بس النهارده أنا فعلا أبويا مات لأني معيطش كتير من كتر الآلم الدموع منزلتش قدام الناس لأن ضهري اتكسر وقلبي اتعور أخويا كان شايل جبل على كتفه وأنا مش حاسس بيه.
وأكمل: أنا بتمنى إن أنا اللي أكون مكانه لأني مش هعرف أعمل اللي هو كان بيعمله من حنية وخوف علينا وحكمته وصبره اللي مش عارف أفسره لحد دلوقتي الشخص ده كان راجل بمعنى الكلمة وأنا مش عارف أتكلم بس أنا مش قادر أصدق إني مش هشوفه تاني ولا هسمع صوته تاني أنا نفسي أخويا يرجع تاني يارب رجعه تاني يارب.
وأختتم: «بالله عليكم لا تنسوه في دعائكم ولا في صلواتكم والله كان طيب لين سهل قريب وكان من الصالحين وخيره كتير أوي على الناس كلها إنا لله وإنا إليه راجعون اللهم أجرنا في مصيبتنا اللهم أرحمه وأغفر له وثبته عند السؤال وأجعل هذه الليلة أسعد لياليه يارب العالمين.
