الكوفر: نجم الأهلي يعترف: وقعت للزمالك (صورة لاعب من الأهلي وشه مجهول وفي الخلفية لوجو الزمالك)
“وقعت للزمالك وحلم أي لاعب يروح الأهلي”.. نجم الأهلي يفجر مفاجأة عن اتفاقه مع حسين لبيب.. والخطيب يطرده من الفريق
وقعت لنادي الزمالك ومين يرفض اللعب مع واحد من أكبر الأندية في أفريقيا والشرق الأوسط.. ده حلم كل لاعب يروح الأهلي أو الزمالك.. قعدت مع المسئولين واتفقنا على كل حاجة.. ده اللي قاله نجم النادي الأهلي المطرود من الفريق بقرار من الكابتن محمود الخطيب والمدرب السويسري مارسيل كولر.. لكن أيه حكاية توقيعه للزمالك؟.. وإزي راح الأهلي؟.. وليه وقع لـ3 أندية في وقت واحد؟.. ده اللي هنعرفه مع بعض في “قشة لفة بلس”.
نجم حلقة النهاردة هو واحد من اللعيبة اللي راحت الأهلي لكن عملت مشكلة مع مدرب الفريق السويسري مارسيل كولر ومقدرتش تكمل ومشيت بدري وملحقش يكمل سنة.. وبعد رحيله راح وقع لـ3 أندية مرة واحدة ومهدد دلوقتي بالمنع من المشاركة والايقاف من اتحاد الكرة.
اللاعب ده هو حارس مرمى الفريق السابق محمود الزنفلي اللي انضم للفريق في فترة الانتقالات الصيفية عشان يكون بديل محمد الشناوي حارس الأهلي الأساسي اللي اتصاب مع منتخب مصر وقعد فترة طويلة يتعالج.. وكان البديل بتاعه هو مصطفى شوبير.
وعشان الزنفلي مخدش فرصته مع الأهلي عمل مشكلة مع مدرب الفريق ومرضيش يلعب مع اللاعبين الشباب والناشئين في الماتشات الأخيرة في الدوري وقال للمدير الفني: “الزمالك عايزني وأنت كدا بتحرقني ومش هتخلي أي فريق يتعاقد معايا واللاعيبة دي صغيرة وهتخسر وأنا اللي هتضر في الآخر.. وكمان اللعيبة الكبار رايحين يصيفوا في الساحل وأنا اللي هقعد لوحدي.. ورفض المشاركة مع الفريق”.
وإدارة الأهلي كانت ناوية تشتري الحارس لكن لما عرفته اللي عمله مع كولر وكمان اجتماعه مع حسين السيد وأحمد سليمان عضوي مجلس الزمالك قررت تضحي باللاعب وتمشيه.. وبلغوه أنه مش موجود مع الفريق في الموسم الجديد.
محمود الزنفلي طلع واتكلم عن الفترة اللي فاتت وطريقة انتقاله للأهلي وقال: “انتظرت طويلاً على الدكة مع الأندية عشان أخد فرصة المشاركة أساسيًا.. وقدمت مستويات متميزة مع الاتحاد السكندري والبنك الأهلي، وحققت أرقام ناجحة مع البنك الأهلي ومفيش حاجة وقفتني غير الإصابة”.
حارس الأهلي حكى قصة اتفاقه مع نادي الزمالك وقال: “وقعت للزمالك في شهر يناير قبل الانتقال للنادي الأهلي، وكنت أنهيت كل شيء بعد جلستي مع حسين السيد، لكن أزمة إيقاف القيد كانت كلمة السر في فشل انتقالي للزمالك”.
“البنك الأهلي رفض تجديد تعاقدي بعد تعرضي الإصابة.. واللعب للأهلي طموح وحلم مشروع لأي لاعب، وأنا استفدت من تجربتي مع نادي الداخلية ويكفي أنه كان بوابتي للانتقال للأهلي”.
وكشف عن تفاصيل المفاوضات مع الأهلي وقال: “أمير توفيق مدير التعاقدات كان زميلي في نادي الجونة.. وهو أول من تواصل معي من الأهلي لإتمام صفقة انتقالي للقلعة الحمراء، ووقعت للأهلي دون التفكير ولم أسأل عن الأموال”.
“مارسيل كولر استقبلني في أول يوم ليا مع الأهلي وتمنى ليا التوفيق.. ومحمد الشناوي من أفضل اللاعبين اللي تعاملت معاهم في الأهلي، ومصطفي شوبير وحمزة علاء هيعملوا تاريخ كبير مع الكرة المصرية في المستقبل”.
“أنا سعيد بالمران مع محمد الشناوي أفضل حارس في مصر، والأهلي أفضل نادي في الكون.. لكن كنت بدور عن فرصة المشاركة.. واستبعادي من المشاركة أحزنني لإنه أمر طبيعي لأي لاعب كرة يبتعد عن المشاركة، واستفدت كثيرًا من التدريب تحت قيادة ميشيل يانكون”.
الجميع تعامل معي باحترام وتقدير داخل الأهلي، وطموحي التواجد في حسابات المنتخب الوطني ولكن الابتعاد عن المشاركة في المباريات ابعدني عن الحسابات.
وبعد الرحيل عن الأهلي اللاعب وقع لأكتر من نادي منهم غزل المحلة وحرس الحدود.
