دعا شريف إكرامي، حارس مرمى نادي بيراميدز الحالي، والأهلي السابق أولياء الأمور والأسر إلى حماية الأطفال من مواقع التواصل الاجتماعي ووسائل السوشيال ميديا.
جاء ذلك بعد ساعات من صدور قرارات نارية من مجلس إدارة النادي الأهلي هدد خلالها بعدم لعب مباراة السوبر المصري وكأس مصر، بعد تدهور نتائج فريق الأهلي في بطولة الدوري المصري الممتاز.
ودشنت جماهير الأهلي هاشتاج لدعم الأهلي وقرارات الكابتن محمود الخطيب رئيس النادي وسط ترحيب بلعب باقي مباريات الدوري المصري بالناشئين.
وفي المقابل قام شريف إكرامي حارس بيراميدز بنشر تدوينة عبر حسابه الشخصي بموقع التواصل الاجتماعي “فيس بوك”، يطالب فيها أولياء الأمور إلى إبعاد الأطفال عن أسر مواقع التواصل الاجتماعي.
وشارك إكرامي في هاشتاجات #RSMV #قاوموا_واحموا_ولادكم #هاشتاج_مش_هيتشاف ، وذلك للتصدي لحالة إدمان مواقع التواصل الاجتماعي والتي تشمل (فيس بوك – تويتر – يوتيوب – إنستجرام…. وغيرها من التطبيقات) لدي الأطفال.
وجاءت تدوينة شريف إكرامي على موقع التواصل الاجتماعي فيس بوك كالتالي:
بص يا سيدي ..
بدايتها كان تواصل و تسليه..
انتشرت و دخلت كل بيت فبقت بيزنس..
واحده واحده سيطرت علي النفوس فبقت محور الحياه..
لقينا علاقات انتهت، أُسر اتفككت و نفسيات ادمرت..
صراعات و ضغوطات و امراض نفسيه زادت..
عيوب و عُقد و معادن رخيصه بانت.
الرضا قل و القناعه اختفت و الانسانيات انهارت..
القيم و المبادئ و العيب و الحرام بقوا موضه قديمه..
ڤيروس هيدمر فطرتنا بعد ما يجيب اخلاقنا وثقافتنا الأرض ..
دوامه ادمان غرقانين فيها بمزاجنا ومبسوطين و فاكرين اننا مسيطرين..
سيبك كلام مش جديد كلنا عارفينه و حسينه و مكبرين دماغنا و كمان دمه تقيل..
طبعاً الرد جاهز ..
ان خلاص ده واقع ..والعالم كله بقي كده..
قرارات الأهلي فاشلة.. كيف ضحك الخطيب على جمهور الأهلي؟
تمام.. لو قريت اللي فات كله و مستني حل فانا زيي زيك معنديش..
بس عندي حاجه أخطر هنا ..
حد شايف إن قدام عنينا جيل بريء من ولادنا بيتم برمجته بالتدريج؟؟
حد شايف تاثير دوامة الإدمان اللي احنا فيها علي ولادنا؟
بيتزرع فيهم ايه من اساسيات و مبادئ..؟؟
يقبلوا ايه و يرفضو ايه..؟؟
حاسين بهوية المجتمع اللي بتتغير سِنه سِنه و تأثيرها عليهم..؟؟
طب انجز و قول عايز ايه يعني في الأخر؟..
مش عايز حاجه والله غير اننا نلحق ولادنا و بناتنا..
نلحقهم قبل ما يتخطفوا..
قبل ما يتوهوا و نتوه معاهم.
نحميهم و نفهمهم و نتعلم معاهم و منهم..
نحاول و نتعب النهارده بدل ما نعيط و نندم بكره..
نندم لو كبروا من غير فطره نضيفه و مبادئ ،،من غير هويه ولا انسانيه ولا دين..
من غير روح..
يبقوا ولادنا في البطاقه بس.
حتي لو فشلت حاول تاني و تالت عشان علي الاقل تبقي عملت اللي عليك..
الحياة بكل اللي فيها لا تستحق الكفاح..بس ولادنا يستحقوا..
احنا مسئولين قدام ربنا عن الفعل ..عن المحاوله ..مش علي النتيجه.
معلش كلمتين فضفضه ملهومش لازمه من أب..
وكده كده محدش هيهتم فا ماتاخدش فبالك.
