مين هيمشي ومين هيكمل؟ ليه كولر قرر الاستغناء عن 6 نجوم الأهلي رغم الفوز بلقب بطل دوري أبطال أفريقيا؟.. وأيه مفاجأة الخطيب لـ” 8 لاعبين من المارد الأحمر؟ والإدارة عملت أيه في ملف تجديد علي معلول؟ وعبد المنعم هيمشي ولا هيكمل؟.. خليكم معانا علشان تعرفوا كل التفاصيل.
في الأول هنتكلم عن مفاجأة الكابتن محمود الخطيب لـ 8 لاعبين من نجوم الأهلي.. وده بعد ما المسؤولين فتحوا ملف التجديد لعدد من اللاعبين، اللي هتنتهي عقود اتنين منهم بنهاية الموسم الحالي، و6 آخرين في نهاية الموسم الجاي، وتسعى الإدارة الحمراء لتمديدها لفترة جديدة، وحسم موقفهم بشكل نهائي مع الفريق خلال الفترة الجاية.
إدارة الأهلي كانت قررت تأجيل ملف تجديد عقود اللاعبين، علشان يركزوا في المباريات خاصة مباراة الأهلي والترجى التونسى في نهائي دوري أبطال إفريقيا، اللي حسمها المارد الأحمر، وتوج باللقب للمرة 12 في تاريخه.
فيه أكتر من لاعب بتبحث الإدارة الحمراء تجديد عقودهم وأبرزهم التونسي علي معلول، اللي ينتهي عقده بنهاية الموسم الجاري، وفيه مصدر مطلع، كشف أن فيه رغبة قوية داخل النادي، علشان يجددوا عقد معلول لفترة جديدة، وأنه هيتم الاتفاق عليها بين اللاعب والإدارة، سواء كانت لمدة عام أو عامين، وده بيتوقف بنسبة كبيرة على موقف الجهاز الفني.
المصدر، أكد أن فيه قناعة كبيرة داخل الإدارة بتجديد عقد معلول، خاصة في ظل الأداء الرائع اللي بيقدمه مع الفريق منذ انضمامه في 2016.
وبالنسبة لقائمة اللاعبين اللي هتجددلهم إدارة الأهلي فيهم محمد الشناوي، ومحمد هاني، وبيرسي تاو، وأحمد عبد القادر، وطاهر محمد طاهر، ومحمد عبد المنعم.
كمان القائمة بتضم عمرو السولية اللي ينتهي تعاقده مع الفريق بنهاية الموسم، وتحسم الإدارة موقفه النهائي خلال الأيام الحالية خاصة مع اقتراب نهائية الموسم.
الإدارة هتحسم خلال الفترة الجاية، تجديد اللاعبين الستة، خاصة في ظل فترة توقف الدوري وبداية الأجندة الدولية، وده لأن المنتخب الوطني يدخل معسكر مغلق استعدادًا لمواجهتي بوركينا فاسو وغينيا بيساو يومي 6، 10 يونيو المقبل.
وبالنسبة للاعبين اللي قرر كولر الاستغناء عنهم، فبحسب مصادر، الجهاز الفني للفريق الأول لكرة القدم بالنادي الأهلي بقيادة السويسري مارسيل كولر، يواصل دراسة مستقبل لاعبي الفريق، مع اقتراب موعد الميركاتو الصيفي 2024، علشان يحدد الراحلين وإمكانية تحديد الصفقات الجديدة.
وحسب مصادر، فـ كولر، استقر على رحيل الثلاثي، الفرنسي أنتوني موديست، والتونسي محمد الضاوي كريستو، ومعاهم محمود الزنفلي، حارس المرمى المعار من صفوف نادي الداخلية.
كمان بيواصل كولر دراسة ملف الراحلين عن الفريق، بطلب من إدارة النادي، علشان يبدأوا تسويقهم، وبعدها يتم تحديد الصفقات المطلوبة في الموسم الجديد.
وأصبح خالد عبدالفتاح، رابع اللاعبين اللي تأكد رحيلهم خارج أسوار القلعة الحمراء مع نهاية الموسم الجاري، خاصة أن اللاعب خرج من الحسابات الفنية للجهاز الفني، بشكل نهائي طوال الفترة اللي فاتت.
المفاجأة هي طلب كولر عدم رجوع عمار حمدي المعار للمقاولون العرب.. لكن اللاعب قال إنه لو مشي هيروح الزمالك ويعمل زي ناصر ماهر لاعب الأهلي السابق اللي متألق مع القلعة البيضاء وبيقدم أداء كويس من وقت انتقاله من فيوتشر للزمالك.
عمار قال طالما مش عايزني سبوني أشوف مستقبلي براحتي واختار النادي اللي هلعب ليه.. وزعل لاعب الاتحاد عشان مش أول مرة يطلبوه منه يطلع إعارة.
