صفقة انتقال إمام عاشور للأهلي.. لسه عامله صداع للزمالك لحد دلوقتي رغم أنهم ضموا عبد الله السعيد وناصر ماهر.. لكن الصفقة لسه وجعاهم وبيتفاوضوا سرا مع لاعبي الأهلي.. والمفاجأة أن كلام عن انتقال 3 لاعبين للزمالك فعلا.. بينهم نجم وقع للزمالك سرا والتاني كشفته صور مسربة من داخل القلعة البيضاء.. أما التالت فده مفاجأة للجميع.. مين اللاعبين دوله؟ وأيه رد إدارة الأهلي؟ ومين اللي أقنعهم؟.. خليكم معانا
خلال الساعات اللي فاتت انتشرت أنباء عن رغبة مسؤولي الزمالك في حسم صفقة التعاقد مع نجم الأهلي، وده خلال فترة الانتقالات الصيفية المقبلة، وده بعد ما عرفوا بوجود مشاكل بين اللاعب والإدارة في الوقت الحالي مع اقتراب عقده من الدخول في السنة الأخيرة، يعني كده اللاعب يقدر يمشي لأي نادي بدون الرجوع لإدارة الأهلي.
الأخبار دي انتشرت دي كانت منسوبة للإعلامي مدحت شلبي، وبيقول فيها أنه تم توقيع أحد لاعبي النادي الأهلي على عقود انضمامه لنادي الزمالك، وللاعب ده بيجلس على دكة البدلاء من فترة طويلة.
وفيه بعض الصفحات على السوشيال ميديا قالت إن اللاعب ده هو طاهر محمد طاهر اللي تفاوض مع الزمالك في الفترة الأخيرة، وقالوا إن طاهر تأكد أن مشواره خلاص انتهى داخل التتش وبيخطط لفسخ عقده والانتقال إلى الغريم في صفقة مجانية.
الإعلامي مدحت شلبي، كشف عن حقيقة التصريحات المنسوبة ليه دي، وقال “هذه التصريحات مفبركة وغير صحيحة تمامًا”.
أما الصفقة المؤكدة اللي خلاص مضتت للزمالك فعليا هو شادي رضوان، اللي رحب بانتقاله للقلعة البيضاء وقعدوا مع بعض واتفقوا أنه هينتقل للزمالك في فترة الانتقالات الصيفية الجاية.. وده اللي أكدته مصادر في نادي الزمالك بأنهم فعلا عملوا محادثات معا واستغلوا ثغرة موجودة في العقد عشان يلعب للفارس الأبيض.
المصدر قال إن شادي رضوان وقع على عقود تجديد مع النادي الأهلي في شهر سبتمبر اللي فات لكن إدارة القلعة الحمراء مسجلتش العقود في اتحاد الكرة لحد دلوقتي وبالتالي اللاعب هيكون حر ومش على ذمة أي نادي.
وكمان كان فيه كلام كتير عن انتقال الدولي المالي آليو ديانج لصفوف نادي الزمالك، وأن اللاعب خلاص اتفقت مع إدارة القلعة البيضاء، والكلام ده بردو نفاه الإعلامي محمد الليثي، اللي أكد أن كل الأنباء المتداولة بخصوص انتقال هي أكادذيب لا أساس لها من الصحة.
“الليثي” كمل في تصريحاته خلال تقديمه لبرنامجه عبر إذاعة أون تايم سبورت، أن البعض يردد أكاذيب متعلقة باقتراب انتهاء عقد اللاعب مع النادي الأهي، ولكن الأمر ده غير صحيح على الإطلاق، وآليو ديانج متكلمش مع مسؤولي الزمالك من الأساس.
الإعلامي الرياضي ختم تصريحاته بخصوص الأمر ده وقال: “الجميع يعلم بأن ديانج مرتبط بعقد مع النادي الأهلي حتى نهاية الموسم المقبل، فكيف يمكن له بأن ينتقل إلى فريق آخر بل وإلى الغريم التقليدي نادي الزمالك دون علم مجلس إدارة القلعة الحمراء”.
وبالنسبة للاعب التالت، فهو بيرسي تاو، وده اللي كشفه مصدر مطلع داخل نادي الزمالك، وقال أن أحمد سليمان عضو مجلس الإدارة حصل على توقيع بيرسي تاو، مهاجم الفريق الأول لكرة القدم بنادي الأهلي، للانضمام على صفوف الفريق في الصيف المقبل.
المصدر، أكد أن اللاعب الجنوب أفريقي وقع على نسختين من العقود من أجل الانضمام لصفوف النادي، ويتبقى النسخة الأخيرة من العقد حتى يصبح الانتقال صحيحًا.
