كلنا طبعا عارفين مين هو علي معلول.. وإزاي حقق بطولات كتير مع الأهلي.. لكن مين يعرف قصة مراته التونسية مريم الزيني؟ وإزاي كانت وش السعد عليه؟ وليه مش عاوزاه يمشي من الأهلي؟ وعملت أيه علشان تقنعه؟ وإزاي احتلفت معاه بالأميرة الإفريقية الـ12؟.. خليكم معانا..
رغم غياب علي معلول لاعب الفريق الكروي الأول بالنادي الأهلي عن المارد الأحمر في ليلة التتويج بدوري أبطال أفريقيا، بسبب الإصابة اللي حرمته من المشاركة في المباراة النهائية قدام الترجي التونسي ولكنه كان حاضر من خلال تكريمه من جانب اللاعبين، وبالتحديد محمد الشناوي.
والمفاجأة بقى.. أن مريم الزيني، زوجة علي معلول التونسية اللي غابت عن المشهد بسبب إصابة زوجها الصادمة في رادس، خلال مواجهة الترجي في ذهاب نهائي دوري الأبطال، قررت مؤازرة زوجها بعد تتويج الأهلي باللقب القاري.
زوجة علي معلول حرصت على وضع مقطع مصور لأبرز تمريراته في البطولة، عبر خاصية «ستوري» على موقع الصور الشهير «انستجرام»، وعلقت: «نسر بجناحين.. علي معلول».
محمد الشناوي حارس مرمى الأهلي، وقائد الفريق، حرص على الظهور مرتدي قميص علي معلول اللي يحمل الرقم 21 خلال استلامه لكأس البطولة، وده تكريم للاعب التونسي، اللي أثار غيابه عن النهائي حالة من الحزن للجماهير والجهاز الفني واللاعبين.
وبالنسبة لزوجة علي معلول.. فهمي دايما مش بتظهر في وسائل الإعلام ولكن بتنشر صور من الوقت والتاني على الصفحة الشخصية على موقع انستجرام، ودايما بتصفه بأنه السند ليها وهو كمان بيقول أنها السند والداعم الساسي في حياته.
وبالنسبة لأبرز المعلومات عن زوجة علي معلول فهي اسمها مريم زيني، وبتطلق على نفسها «مريم معلول، وعندها طفلين كريم وسليمة، وتزوجها من 8 سنين، ومعلول وصفها بأنها أول قصة حُب في حياته، وأول فتاة يرتبط بيها.
في 2018 أعلن معلول خلال مباراة الأهلي مع حرس الحدود عن استعداده لاستقبال مولودهما الأول، ووصفها «معلول» بأنها الداعم الأول ليه بكل العقبات وقالت: «في كل المواقف العصيبة اللي مريت بيها، كانت هي أكتر إنسان قريب مني، ودايمًا بتساندني وتشجعني».
علي معلول سرد أنها تاهت داخل أحد المولات في مصر فور قدومه للعب مع الأهلي: وقال«كُنا في أحد المولات، وولد صغير بدأ ينده عليا، والناس اتجمعت، وفجأة تاهت مني وفضلت أدور عليها»
معلول أكد أن زوجته سبب حظه السعيد في تفاصيل زيادة عقده مع الصفاقسي، وتعاقده مع النادي الأهلي: وقال في حواره مع منى الشاذلي: «أهدي نجاحي لأمي وأبويا ومراتي، لأن مراتي هي وش السعد، يعني مثلا عقدي في الصفاقسي كان بمبلغ معين، وبعد ما اتعرفت عليها، عملت عقد بمبلغ متعملش في تاريخ النادي، وبعدها جه عقد الأهلي، فهي وشها حلو عليا».
وبالنسبة للنجم علي معلول، فيه مصادر، أكدت على أن لجنة التخطيط برئاسة محسن صالح بالتنسيق مع محمود الخطيب رئيس النادي الاهلى استقرت على ضرورة الانتهاء من الإجراءات الخاصة بتجديد عقد التونسي علي معلول، وأكدت المصادر دي أن تجديد عقد معلول مع الأهلي مسألة وقت ودائما النادي الأهلي وفي مع أبناءه المخلصين.
وحسب المصادر، إدارة التعاقدات بالنادي الأهلي، بدأت تجهيز قائمة كاملة من اللاعبين في مركز الظهير الأيسر، للتعاقد مع واحد منهم، لخلافة علي معلول، بعد تعرض الأخير للإصابة بقطع جزئي في وتر أكيليس.
