رونالدو لاعبًا في الأهلي قبل المونديال؟.. مفاجأة من عدلي القيعي بشأن ضم كريستيانو

سمعنا كلام كتير الفترة اللي فاتت عن إمكانية ضم كريستيانو رونالدو نجم فريق كرة القدم بنادي النصر، للمارد الأحمر، وده اللي الكلام اللي اتكلم عنه مسؤول كبير في النادي الأهلي؟ ياترى قال أيه؟ وهل الأهلي يضمه فعلا؟ وليه الأهلي بيجهز صفقات نارية لـ كأس إنتركونتيننتال للأندية 2024؟.. خليكم معانا
النادي الأهلي تأهل إلى منافسات كأس إنتركونتيننتال للأندية 2024 بعد ما حصد لقب دوري أبطال أفريقيا بعد تفوقه (1-0) على الترجي الرياضي التونسي في مجموع المباراتين النهائيتين.
وعلشان كده الأهلي بدأ يجهز صفقات من العيار التقيل علشان يقدر ينافس في البطولة دي، لأنه هيقابل فرق قوية جدا زي بطل دوري أبطال أوروبا.. وده اللي طلبه الكابتن محمود الخطيب من المسئولين في القلعة البيضاء
المهندس عدلي القيعي مدير شركة الكرة بالنادي الأهلي، قال إحنا بنستعد للخطوة الجاية وهى المشاركة في كأس العالم للأندية.. وجماهيرنا عايز ندعم صفوفنا بأفضل العناصر.. وهنعمل ده في الفترة المقبلة.
و القيعي، علق على إمكانية تعاقد النادي، مع كريستيانو رونالدو، وده بعد التتويج بمسابقة دوري أبطال أفريقيا، أمام نادي الترجي الرياضي التونسي، في اللقاء اللي أٌقيم على ارضية ملعب ستاد القاهرة الدولي.
القيعي قال في تصريحات تلفزيونية، عن إمكانية التعاقد مع كريستيانو رونالدو:« والله لو نستطيع هنتعاقد معاه صباحًا».
ومارسيل كولر المدير الفني للأهلي لما سأله إبراهيم فايق لو الكابتن الخطيب اداك ميزانية مفتوحة عشان تشتري اللعيب اللي عايزه هتجيب مين.. ضحك ورد عليه قال بس الخطيب مش هيعمل كدا.. لكن المهندس عدلي القيعي فجر مفاجأة عن استعدادات الأهلي لمونديال أمريكا 2025 وبطولة كاس انتركونتيننتال.
ومن الصفقات اللي الأهلي حسمها بردو، هو الجزائري زين الدين بلعيد مدافع اتحاد العاصمة.. عشان يسد العجز اللي هيسيبه محمد عبدالمنعم اللي ناوي على الرحيل آخر السنة.
مصادر مقربة من النادي الأهلي قالت إن الصفقة شبه اتحسمت بعد ما توقيع النجم الجزائري للقلعة الحمراء عشان ينضمن في الصيف الجاي خاصة أن كولر مرحب بالصفقة وشايفه هيعوض غياب محمد عبدالمنعم.
أزمة بسيطة بتقابل الأهلي في الصفقة وهي رفض المسئولين في اتحاد العاصمة المبلغ المالي المعروض من الأهلي واللي بيوصل لـ700 ألف دولار.. وهما عايزين ياخدوا مليون و400 ألف دولار.
ويحطوا بند في العقد بينص على حصول النادي الجزائري على نسبة 20% من بيع اللاعب في المستقبل لأي نادي.. لكن أبوه زين بيضغط عشان يقلل المقابل اللي ممكن يوصل لـ800 ألف دولار أو مليون بكتيره.
الصفقة التالتة، هو تيبوهو موكوينا، لاعب وسط فريق صن داونز الجنوب إفريقي، وده علشان يدعم الفريق في مركز خط الوسط، ومع ضم موكوينا، هيكون خط الوسط فيه الدبابة موكوينا والمدفعجي أمام عاشور وملك خص النص مروان عطية.
وبكده الأهلي هيكون امتلك لاعب يتمتع بمهارات عالية ولاعب بيتميز باتقان كبير جدا في التسديد من خارج منطقة الجزاء والكرات الثابتة والهوائية، واللاعب ده كان سجل قبل كده هدف في النادي الأهلي من تسديده صاروخية من برة منطقة الـ 18،، يعني الأهلي هيتمتلك 3 مدافع فعليا وهم أمام عاشور ومروان عطية مع موكوينا.