الأهلي خلاص بدأ بالفعل يستعد يستعد لكأس العالم للأندية 2025، ولجنة التخطيط مش ساكته وكل يوم بيتفاضوا مع نجم مختلف.. لحد ما وصولوا واتفقوا خلاص مع 4 نجوم سوبر هينضموا للأهلي خلال الفترة الجاية.. مين هما النجوم دوله؟ وليه الأهلي دفع فيهم فلوس كتير؟ ومين بدعم الخطيب علشان يشتري اللاعيبة دي؟.. علشان تعرف كل التفاصيل دي، كمل معانا الفيديو للآخر.
لجنة التخطيط في النادي الأهلي رشحت لكولر، أسماء اللعيبة اللي ينفعوا يعوضوا رحيل محمد عبدالمنعم للاحتراف وكمان يسدوا النقص الدفاعي اللي موجود في صفوف المارد الأحمر.. وواحد من المرشحين للانضمام الأهلي في الموسم الجديد هو زين الدين بلعيد مدافع اتحاد العاصمة الجزائري، اللي كولر كان متابعه في ماتش الأهلي واتحاد العاصمة في بطولة كاس السوبر الأفريقي اللي اتلعب في السعودية وخسره الأهلي بهدف وحيد سجله بلعيد..
كمان فيه تقارير صحفية، قالت إن الأهلي حسم بشكل رسمي صفقة “الأخطبوط” زين الدين بلعيد، وحصل المارد الأحمر على توقيع الجزائري تمهيدًا لضمه في فترة الانتقالات الصيفية الجاية، بعد موافقة السويسري مارسيل كولر المدير الفني للفريق على التعاقد معاه لتدعيم خط الدفاع.
الأهلي عرض 700 ألف دولار للحصول على خدمات زين الدين بلعيد، زيادة بحوالي 50 ألف دولار عن الشرط الجزائي المنصوص في عقد اللاعب، في الوقت اللي أصر فيه مسؤولو اتحاد العاصمة الحصول على مليون و400 ألف دولار، وكمان وضع شرط يسمح للنادي بالحصول على 20% من قيمة بيع اللاعب في المستقبل.
كمان النادي الأهلي هيتعاقد مع يحيى عطية الله اللاعب المغربي المحترف في الدوري الروسي واللي بيلعب مع منتخب المغرب.. يعني لعيب دولي وعارف طريق البطولات وبيتحمل ضغط الجماهير.. والأهلي عايزه عشان يكون بديل النجم التونسي علي معلول الباك الشمال الأساسي في الفريق.
ورغم طرح اسم اللاعب لكن المدرب السويسري عنده الأولوية دلوقتي في تجديد عقد علي معلول وطلب من إدارة الأهلي يبذلوا أقصى جهد عندهم عشان يجددوا لمعلول اللي عايز يعمل عقد لمدة موسيمن على عكس رغبة المسؤولين في الأهلي اللي عايز يجددوا موسم واحد عشان نجم تونس كبر في السن ومش هيأدي نفس الأداء اللي بيقدمه دلوقتي.
الصفقة التالتة، هو تيبوهو موكوينا، لاعب وسط فريق صن داونز الجنوب إفريقي، وده علشان يدعم الفريق في مركز خط الوسط، ومع ضم موكوينا، هيكون خط الوسط فيه الدبابة موكوينا والمدفعجي أمام عاشور وملك خص النص مروان عطية.
وبكده الأهلي هيكون امتلك لاعب يتمتع بمهارات عالية ولاعب بيتميز باتقان كبير جدا في التسديد من خارج منطقة الجزاء والكرات الثابتة والهوائية، واللاعب ده كان سجل قبل كده هدف في النادي الأهلي من تسديده صاروخية من برة منطقة الـ 18،، يعني الأهلي هيتمتلك 3 مدافع فعليا وهم أمام عاشور ومروان عطية مع موكوينا.
لجنة التعاقدات في الأهلي عرضت كمان اللاعب التونسي علاء غرام نجم الصفاقسي على كولر لكن المدرب السويسري قالهم إن الخيار الأول ليه بلعيد.
ولو فشلت الصفقة فالبديل هيكون المدافع التونسي علاء غرام، عشان كولر مصمم على مدافع أجنبي ومش شايف مدافع مصري كويس في كل فرق الدوري.
ودخل اسم اللاعب التونسي دايرة الترشيحات عشان يكون صفقة الأهلي في الصيف وبيدرس كولر ملف اللاعب كويس وهنقولكم أيه مميزات خليفة علي معلول.
وفيه تقارير تبقول إن تركي آل الشيخ بيفكر في إعارة النجم السنغالي ساديو ماني، جناح فريق النصر، للمارد الأحمر علشان يدعم صفوفه قبل المونديال.. والناس طبعا قالت إن تركى آل الشيخ عمل كده علشان يصالح الكباتن محمود الخطيب والعلاقات ترجع زي الأول سمن على عسل.. زي ما بيقولوا.
لكن حسب كلام الناقد الرياضي محمد عراقي، إن فيه معلومات كتيرة عن احتمالية تعاقد النادي الأهلي مع السنغالي ساديو ماني نجم النصر السعودي للمشاركة في كأس العالم للأندية الجاية، عن طريق بعض المحبين للنادي الأهلي على سبيل الإعارة”.
وبالنسبة لـ رد المادر الأحمر، فالناقد الرياضي محمد عراقي، قال إن المسؤولين داخل الأهلي سخروا من المعلومات دي، وقال كمان إن الأهلي بيعاني من أزمة في الرواتب الأجنبية علشان كده مش هيقدر يتجيب صفقات ضخمة وهتكلفه أموال كتير زي ماني.
