ساب اللعيبة وجري على الجماهير عشان يرقص ويغني معاهم.. لف الملعب كله.. وانتصر على حسام حسن.. واتكلم مع الشناوي.. ومصطفى شوبير زعلان.. أيه اللي حصل في ماتش مصر وبوركينا فاسو؟.. وإزي انتصر على حسام حسن؟.. ومفاجأة في حديثه مع محمد الشناوي؟.. ده اللي هنعرفه مع بعض “قشة لفة بلس”
محمد صلاح نجم فريق ليفربول الإنجليزي شارك لأول مرة مع العميد حسام حسن في منتخب مصر بعد خلافات كتيرة وأزمات واتدخل وزير الرياضة عشان يحل المشاكل دي.. وفعلا لعب.. لكن مقدمش الأداء المنتظر منه في الماتش.
لكن اللقطة اللي عملها محمد صلاح وهي اعتذاره للجمهور المصري اللي كان بيهاجمه الفترة اللي فاتت عشان أدائه مع المنتخب وكمان الأزمات اللي عملها برة الملعب ومنها أنه مدعمش أخواتنا على الحدود.
كابتن منتخب مصر بعد الماتش ما خلص لف الملعب كله عشان يشجع الجماهير ويوجه ليهم التحية على حضورهم المباراة وكأنه بعتذر ليهم على اللي حصل.. وبعديها طلع من الملعب وراح أوضة اللبس.
لكل قبل ما يطلع من الملعب كان بيتكلم مع محمد الشناوي حارس الفراعنة اللي الجماهير هتفت ليه أول ما نزل أرضية استاد القاهرة الدولي قبل بداية مباراة بوركينا فاسو.. وهو اتبادل التحية معاهم وكان فرحان جدا باللي حصل من الجماهير.
كمان الجمهور اللي موجود في مدرجات ستاد القاهرة وجهت ليه تحية للحارس مصطفى شوبير قبل بداية الماتش.. وظهر على اللاعب أنه زعلان عشان مشاركش في الماتش.
الكابتن حسن المستكاوي علق على أداء منتخب مصر وقال: “الشوط الأول تحرك كثيرا لاعبو المنتخب وصنعوا مساحات وتعددت اختيارات التمرير وسيطروا وفي الشوط الثاني هبطت اللياقة وهي آفة المنتخب والفرق المصرية.
وفقد المنتخب السيطرة وتحول لمواقف دفاعية للاعبين مجهدين بدنيا فظهرت خطورة بوركينا ولا يجب أن تظهر الخطورة بلاعبين أو بثلاثة لان الفريق البوركيني ليس خطيرا جماعيا.. الحمد لله علي الفوز.
حسام حسن علق على أداء المنتخب وقال: “حذرت اللاعبين بين الشوطين من التهاون في الشوط الثاني.. وتوقعت ظهور المنتخب البوركيني بشكل مختلف عن اللي كانوا عليه في الشوط الأول، وبالفعل نجحوا في التفوق علينا معظم فترات الشوط الثاني”.
“منتخب بوركينا فاسو هو منافسنا الأول فى المجموعه للصعود إلى كأس العالم.. مشوار التصفيات كبير 30 نقطة ومفيش فرق سهلة.. الجماهير أيقظت المنتخب وهو ده اللي حصل للأهلي والزمالك أيضا. وسعيد بمساندتهم وأهدي الفوز للجماهير المصرية”.
لكن محمد صلاح انتصر على حسام حسن في أول ماتش خصوصا أنه ساب محمد صلاح يلعب براحته ومكنش عليه واجبات دفاعية ومفيش أي انتاجية من صلاح.. ومظهرتش أي خطورة ليه.
أحمد الخضري انتقد أداء منتخب مصر وقال: “فوز بطلوع الروح.. المنتخب وحش قوي.. المهم الفوز علشان الاداء علي ما تفرج.. مفيش أي بصمة للجهاز الفني.. الحكم سطلانه والمعلق صعب قوي.. لينا ضربة جزاء
والجمهور عظيم.. الماتش كان ناقصه صلاح وشكر يا تريزيجيه”.
طابع العشوائية والفردية كان سايد على مستوى اللعب حتي الهدفين اللي سجلهم تريزيجيه.. الأول محمد صلاح لاعب كرة بلونه على المغمض وتريزيجيه اتحرك بشكل كويس وسجل.. والهدف التاني كرة راجعه من الدفاع.
ارتجال بنشوفه فى كل لحظة بيكون فيها الكرة فى رجل أي لاعب فى التلت الهجومي، بيشوف مين قريب ويلعب، مفيش ربط كويس على الجنب اليمين من الملعب رغم تقارب زيزو مع محمد هاني ومحمد صلاح، وكمان فردية مطلقة على الشمال لإمام عاشور وتريزيجيه.
ونص الملعب مستباح تماما.. وبنخسر فيه كل الكرات واحد على واحد خاصة الشوط التاني.
