يارا حسام حسن وش السعد على المنتخب وأبوها.. قعدت ترقص في الاستاد مع كل جول جابه محمود تريزيجيه.. ومحدش من اللعيبة حضر فرحها.. واتجوزت من رجل أعمال مشهور؟ مين هو؟.. ومفاجأة في شغلها وثروتها.. بتعمل أيه؟.. وليه نجوم كرة القدم غابوا عن الفرح؟.. وأيه علاقتها بـمحمود تريزيجيه ومحمد صلاح؟.. ده اللي هنعرفه مع بعض في “عرب 22”..
في أول ماتش للكابتن حسام حسن المدير الفني للفراعنة بين منتخب مصر وبوركينا فاسو في الجولة الثالثة من التصفيات الأفريقية المؤهلة لكأس العالم 2026.. يارا حسام حسن بنت العميد كانت في مقصورة ستاد القاهرة الدولي.. وقعدت ترقص وتتنطط في الاستاد مع كل جول يجيبه محمود تريزيجيه جناح منتخب مصر.
وبعد المباراة ما خلصت راحت الفندق اللي موجود فيه معسكر المنتخب عشان تبارك لأبوها وللعيبة المنتخب وهناك قابلت محمد صلاح اللي كان فيه خلاف بينها وبين أبوها لكن وزير الرياضة قد يحله.. واتصورت مع محمد الشناوي ومحمود تريزيجيه.. وكان معاها أخواتها وصحابها وبعدها نشرت الصور على حسابها في إنستجرام وكتبت عليها: “ألف مبروك للفراعنة”.
يارا حسام حسن تعتبر البنت البكر للمدير الفني لمنتخب مصر.. ودرست في الكلية الكندية الدولية CIC.. وتخصصت في دراسات الاتصال الجماهيري والإعلام.. وعندها 14 ألف متابع عبر صفحتها الشخصية “إنستجرام”.
يارا ديما بتنشر اللي بيحصل في يومها على إنستجرام وبتهتم بالتصوير والفاشون.. وتعتبر من محبي الموضة ونشر الصور والفاشون يعني تعتبر “بلوجر”.. وعندها أراء كروية وبتحب الكورة زي أبوها.. وعندها موهبة في التصوير.. وبتجمعها علاقة صداقة قوية بوالدها وأخوها عمر وأختها زينة… ويديما بتنشر صور لوالدها ووالدتها هويدا الغرباوي.
يارا اتخطيب في شهر أبريل الماضي على رجل الأعمال أحمد على راشد، وهو من عيلة كبيرة وعندها استثمارات ضخمة في أكتر من مجال أبوه رجل الأعمال على راشد، وعمه رجل الأعمال السيد راشد.. وهو رئيس مجلس إدارة مجموعة راشد للاستثمار.. وبرضو العضو المنتدب لشركة طيبة للحديد.. وكمان العضو المنتدب لشركة القاهرة للزيوت.
يعني ما شاء الله عليه ليه مصالح وشغل في كل حتة.. أحمد راشد ويارا حسام خطوبتهم كانت وقت ماتش الأهلي مع مازمبي الكونغولي في إياب نص نهائي دوري أبطال أفريقيا.
وكان الحفل عائلي بسيط.. وبسبب الحفل ده غاب العميد حسام حسن لأول مرة عن المدرجات منذ تولية مهمة تدريب المنتخب بشكل رسمي.. وكمان مكنش فيه حد خالص من لاعيبة الكورة.. وده بيرجع لأن كابتن حسام حسن قرر أن يحتفل بخطوبة بنته في أجواء عائلية.
يارا للي ميعرفهاش فهي بتعتبر أهم واحدة في حياة كابتن حسام حسن وبتخاف عليه جدا وهو بيخاف عليها اكتر.. يارا مظهرتش قبل كدة كتير في الأحداث الرياضية أو على الساحة بشكل كبير والمعلومات المتاحه عنها بتقول أنها بتفضل الابتعاد عن الأضواء والكاميرات وبتكتب التعليق على بعض الأحداث الرياضية الخاصة بوالدها على حساباتها على مواقع التواصل الاجتماعي فيسبوك وتويتر.
يارا بتعتبر كمان من أكبر المدافع عين والدها وقبل كده عملت دوشة كبيره على السوشيال ميديا وطلعت ترند.. لما اتكلمت عن والدها والمشكله اللي حصلت معاه سنة 2016 لما كان مدرب للنادي المصري.. واتخانق مع مصور مباراة المصري البورسعيدي والمحلة في الدوري وقتها وجري وراه.
وهي نشرت فيديو فيه صوره ولقطات من تاريخه وحطت عليها أغنية أغلى من حياتي.
