
والله هقفل النادي ده.. فاكر نفسك الأهلي؟.. مسئول في رابطة الأندية يهدد بعقوبة تاريخية ضد بيراميدز.. ومفاجأة من رجل الأعمال الإماراتي
بيراميدز طلع بيان من 6 صفحات.. انتقد فيه اتحاد الكرة ورابطة الأندية المصرية بعد قرار استكمال ماتش سموحة من وقت توقفه.. وكمان طلعوا ليه اللي عملوه في خناقة حسين الشحات ومحمد الشيبي… لكن المسئولين عن الكرة مسكتوش وطلعوا هددوا إدارة النادي وقالوا عليهم أن أساءوا الأدب واتعاملوا بطريقة مش كويسة وبيانهم مش محترم.. بس ليه المسئول في رابطة الأندية هدد إدارة النادي المصرية؟.. وإزي ممكن يقفلوا النادي؟.. وأيه العقوبة التاريخية المنتظر توقيعها على بيراميدز؟.. وليه قالوهم فاكرين نفسكم الأهلي؟.. ده اللي هنعرفه مع بعض في “قشة لفة بلس”.
مباراة بيراميدز وسموحة في الدوري المصري اللي اتلعبت يوم الجمعة 28 يونيو والحكم لغاها بعد الحريق اللي حصل في غرفة الكهربا باستاد الإسكندرية.. وبعدها قررت رابطة الأندية تعيد الماتش يوم التلات 2 يوليو من الدقيقة 49 بنفس الظروف.
لكن إدارة بيراميدز رفضت وطالبت باعتبار سموحة مهزوم بنتيجة 2/ 0 عشان المشكلة من عندهم بصفتهم الفريق صاحب الأرض وطلعوا بيان رفضوا فيه القرار ولجأوا للجنة الاستئناف واتحاد الكرة.. والمحكمة الرياضية الدولية “كاس”.
وبعد البيان ده طلع اللواء ثروت سويلم وهاجم إدارة بيراميدز وقال عليهم كلام قاسي جدا واتهمهم بأنهم مأجورين وطالب بتحويلهم للجنة الانضباط فورا.
وكمان ثروت سويلم قال: ” فيه موظفين بيتربحون مبالغ كبيرة وعايزين يثبوا تعرضهم للظلم وبيحاولوا يرضوا مالك النادي الإماراتي.. وأسهل حاجة قلة الأدب هيكون فيه رد فعل ضد بيراميدز وهنحولهم للجنة الانضباط.
وقرار استكمال لقاء بيراميدز وسموحة قرار عادل من لجنة المسابقات ومفيش أى مجاملة لأي طرف، خصوصًا بعد ما تم إلغائها بسبب ظروف معينة.. وسموحة معترضش لكن فوجئت ببيان نادي بيراميدز.
لوائح رابطة الأندية واضحة.. ومفيش اي استفادة لأي نادي عن اخر سواء بيراميدز أو سموحة لأن المبارة كانت نتيجتها التعادل.. وتم تشكيل لجنة من استاد الإسكندرية والأمر اتضح أنه مش اهمال.
قرار لائحة المسابقات النهائي هو استكمال المبارة طالما أن نتيجة المباراة مش مؤثرة لطرف عن الآخر وبالتالي هيكون استكمال المبارة بنفس طاقم التحكيم.. ولو المباراة تم إعادتها كان سموحة المستفيد الأكبر لكن فرج عامر منتقدش القرار.
فرق الثقافة واضح بين نادي الزمالك وبيراميدز في البيانات الصادرة منهم.. بيراميدز عندهم مجموعة لعيبة محترفين.. لكن عايزين يوصلوا رسالة للمالك في الإمارات.
المتحدث باسم رابطة الأندية المصرية كمل هجومه على إدارة بيراميدز وقال: “من أَمِن العقوبة أساء الأدب.. أصل احنا في يومين أندية البيانات.. اللي كتب البيان أحد العاملين اللي مش مدرك هو بيعمل أيه هو بيوصل رسالة لمالك النادي إنهم رجالة وبيتكلموا ولكن ده حوار غير محترم دول ناس أساس عملهم إستفادة مادية من أصحاب النادي وتربح من المالك”.
عامر حسين رئيس لجنة المسابقات وعضو اتحاد الكرة من أكتر الاشخاص المخلصين لمنظومة الكرة.. واعتراض كل الأندية عليه بيأكد أنه مش بيجامل أي فريق.. وأؤكد للجميع أنه مش بيجامل أي طرف والأيام هتثبت ده.. وأعتقد أنه بعد نهاية الدوري هييخرج للحديث قدام الرأي العام ويوضح كل الأمور.
الناس بتعتقد أن عامر حسين بيقوم ببعض الأمور حسب رؤية شخصية ومش مدركين الأمور التسويقية والبث التليفزيوني.. وهو من الأشخاص العادلين.. وهو بيدير المسابقة حتى الان ومستمر في عمله.
بقول لمسؤولي بيراميدز اذهبوا كما تشاءون لكن إلا التجريح في أشخاص محترمين، على عكس بيان نادي الزمالك المحترم
مالك النادي رجل الأعمال الإماراتي سالم الشمامسي هدد بوقف الاستثمارات الرياضية في مصر لو الأمور متحسنتش في مصر وبقي فيه عدالة في الدوري المصري.