الدوري في الأمتار الأخيرة بتاعته.. والموسم خلاص بيتحسم وكل واحد عايز ياخد اللقب.. وبعد ما الأهلي رفض يبعت لعيبته محمد عبدالمنعم وإمام عاشور.. اتحاد الكرة اتفق مع بيراميدز وضحك عليهم وعمل حوار هيقلب الشارع الرياضي في مصر ومش هيعدي على خير.. أيه اللي بين بيراميدز واتحاد الكرة؟
وإزي ضحكوا على الأهلي.. والكابتن محمود الخطيب هيعمل أيه؟.. وإزي المسئولين في الاتحاد بيساعدوا بيراميدز في الفوز بالدوري؟.. وأيه علاقته بأزمة ماتش سموحة اللي الكهربا قطعت فيه؟.. ده اللي هنعرفه مع بعض في “عرب 22”.
المسئولين في اتحاد الكرة ورابطة الأندية مش عارفين يحلوا المشاكل اللي موجودة في الكورة في مصر.. ويعتبر هما السبب الرئيسي فيهم.. وكل شوية يعملوا أزمة مع فريق شكل.. لكن الفضيحة اللي حصلت مع بيراميدز واللي كشفت مؤامرة اتحاد الكرة على الأهلي بالاتفاق مع بيراميدز مش هتعدي بسهولة.
أحمد عبدالباسط الكاتب الصحفي والمتخصص في شئون أخبار اتحاد الكرة اتكلم عن أزمة المنتخب الأولمبي خصوصا بعد رفض النادي الأهلي ونادي بيراميدز مشاركة اللعيبة الكبار محمد عبدالمنعم وإمام عاشور ومصطفى فتحي في أوليمبياد باريس.
عبدالباسط كتب بوست على حسابه بموقع فيسبوك وقال: “أحمد دياب يحل أزمة المنتخب الأوليمبي والأهلي وبيراميدز بعدما رفض تأجيل الدوري .. 3 لعيبة من الأهلي أحمد نبيل كوكا وحارس المرمى حمزة علاء وكريم الدبيس.. و2 من بيراميدز إبراهيم عادل ومحمود صابر.. وهيكون معاهم محمد النني وأحمد سيد زيزو بس فوق السن”.
اللعيبة هتنضم يوم الجمعة 5 يوليو لمعسكر المنتخب الأوليمبي وتم وضع الأسماء في القائمة وأحمد دياب هو اللي حل الأمر مع كل الجهات.. طبعا إحنا هنرسل الأسماء متأخرين وهندفع غرامة كبيرة بس عادي بجملة المصاريف”.
وبعدها كتب بوست تاني كشف مؤامرة وفضيحة في اتحاد الكرة وقال: “اتصل بي أحد المسؤلين الكبار الذي كان طرفا في جلسة المفاوضات بعدما رأى البوست السابق الذي كتبته عن أزمة المنتخب الأوليمبي والأهلي وبيراميدز وأكد لي التالي
أنه يوجد اتفاق سري على انضمام إبراهيم عادل لاعب بيراميدز للمنتخب الأوليمبي يوم الجمعة ويتم تصويره وإظهاره في الفندق والمران، ثم يخرج من المعسكر وينضم لبيراميدز لخوض مباراتي الاتحاد والأهلي مع فريقه، على أن يلحق بالمنتخب قبل السفر يوم 13 وتم ترك الأمر.. لو الأهلي أبدى غضبه من الأمر هيتم الموافقة على إخراج لاعب لهم وهو أحمد نبيل كوكا بعد ما يتصور برضه مع المنتخب”.
لكن كدا المشكلة متحلش وهما بيضحكوا على بعض.. المشكلة الرئيسية كانت في إمام عاشور ومحمد عبدالمنعم اللي الأهلي مرضيش يبعته وقال عايزه عشان الدوري.. ورغم تدخل وزير الرياضة ومحاولته مع الأهلي عشان يشارك لعيبته لكنه فشل برضو.. ومحدش من اللاعيبة راح المنتخب.. إزي أحمد دياب حل المشكلة”.
المسئولين في الأهلي مش عايزين يسيبوا اللعيبة بالعند في بيراميدز رغم أن إمام وعبدالمنعم عايزين يروحوا الأولمبياد وعملوا مشاكل في الأهلي.. لكن الكابتن محمود الخطيب رفض بشكل قاطع يسيب أي لاعب طالما بيراميدز مش هيخلي حد من لعيبته يشارك مع المنتخب الأوليمبي.
مصادر قالت إن المسئولين في اتحاد الكرة ورابطة الأندية بيجاملوا بيراميدز عشان مشكلة ماتش سموحة واللي رابطة الأندية قررت أنها تكمل الماتش مش يتحسب خسارة لسموحة وفوز لفريق بيراميدز بنتيجة 2-0 وقالوا هيرفعوا قضية في المحكمة الرياضية كاس.. واللي غالب هتحكم لبيراميدز رغم أنه فاز بالمباراة 3-2.
