بعد يومين بس من إعلان النادي الأهلي التعاقد مع صفقة من أهم صفقات اللعيبة الشباب للنادي.. طلع اللاعب في فيديو مسرب على مواقع التواصل وصدم مجلس إدارة الكابتن محمود الخطيب.
وقال مش عايز ألعب غير لنادي الزمالك ودي رغبتي الأولى والأخيرة.. ومن وقتها والجدل سيطر على الجماهير اللي بتسأل إزي اللاعب مش عايز يلعب مع الأهلي بعد ما أعلنوا التعاقد معاه؟.. وأيه حكاية الفيديو المسرب؟.. والكابتن حسين لبيب هيعمل أيه؟.. وأيه رد فعل الخطيب؟.. ده اللي هنعرفه مع بعض في “عرب 22”.
ليلة 17 يوليو 2024 النادي الأهلي أعلن على جميع منصات التواصل الاجتماعي الخاصة بيه التعاقد مع لاعب شاب لتدعيم فريق كرة اليد اسمه محمد عدلان.. لكن بعد الإعلان.. اتسرب عقد للاعب على السوشيال ميديا وهو موقع لنادي الزمالك.. والمفاجأة الكبيرة كانت بعد يومين لما اللاعب نفسه طلع في فيديو وقال: “أنا محمد عدلان لاعب طلائع الجيش.. رغبتي الأولى والأخيرة هلي اللعب لنادي الزمالك”.
من طفولتي كنت مشجع لنادي الزمالك أنا وعائلتي وكنت أحلم ديما باللعب في النادي العريق وأتمني من كل مسؤولين الرياضة المحترمين تنفيذ رغبتي.
الفيديو المسرب ده جه بعد بيان النادي الأهلي اللي نشره على موقعه الرسمي وقال: “خالد العوضي، مدير عام النشاط الرياضي بالنادي، أعلن عن التعاقد مع اللاعب محمد عدلان لتدعيم شباب 2006 لكرة اليد.. وأكد أن الأهلي أنهى إجراءات التعاقد مع عدلان مواليد 2006 قادما من طلائع الجيش استعدادًا للموسم الجديد.. في ظل المنافسة على البطولات المحلية”.
العوضي أشاد بموهبة اللاعب وأكد أنه صاحب قدرات فنية عالية ويعتبر إضافة كبيرة للفريق.
الكلام ده يعني الأهلي خلص كل حاجة مع اللاعب واستلم الاستغناء الخاص بيه من طلائع الجيش.. من غير ما ياخد موافقة اللاعب.. اللي تعتبر شرط أساسي لإتمام التعاقد حسب قانون التعاقدات المتبع في العالم.
وده اللي خلى السوشيال ميديا تتلقب وخصوصا بين جماهير الزمالك اللي بتطالب إدارة الكابتن حسين لبيب يخلصوا اللاعب ويجبوه نادي الزمالك.
واحد من جماهير الزمالك قالت: “فضحية جديدة للنادي الأهلي في إجبار اللاعبين للعب له.. والاهلي أعلن عبر موقعه الرسمي الحصول على خدمات اللاعب دون الحصول على توقيعه وضد رغبته المعلنة.. منين الجبروت ده اللي يخلي جميع مؤسسات الدولة ترضخ لرغبات النادي الأوحد في مصر؟
محمد عدلان هيبقي رمز عظيم للإخلاص والانتماء وأنه قدر يقول لمنظمة الجبروت لأ.. ويقف قدمها ويعلن انتمائه وولائه للنادي اللي بيعشقه.. جمهور الزمالك عمره ما هينسي الموقف ده يا عدلان.
وتعتبر دي مش المرة الأولى اللي تحصل من أسرة اللاعب محمد عدلان.. ونفس الموقف حصل في موسم انتقالات يناير الماضي.. المسئوليين في الأهلي خلصوا عمر عدلان.. لكن اللاعب رفض وتمسك بنادي الزمالك.. والاهلي احترم رغبة اللاعب وقتها وتراجع عن الصفقة.
لكن لكن محمد عدلان هو مستقبل مركز الباك رايت والمسئولين في الاهلي قرروا يضغطوا على اللاعب ويجبروه على الانتقال ليهم.. واللاعب رفض ومتمسك بالانتقال للزمالك.
جماهير الزمالك شايفه أن اللي بيحصل ده تعبير عن الإخلاص والانتماء وواحد من الجمهور قال: “عمر ومحمد لازم يتشالوا على الراس وأبوهم برضو الأستاذ عدلان محمد.. ليه كل الشكر أن عرف يربي أولاده على حب والانتماء لنادي الزمالك مهما كان المغريات أو الضغوطات”.
مصادر قالت: الكابتن محمود الخطيب قرر يفتح تحقيق في اللي حصل.. وقالهم سيبوا اللاعب براحته.. إحنا مش هنقف على حد”.
