والله جمهور الأهلي مش فاهم يعني إيه كورة.. مش فاهم مغزى الكورة إيه؟.. الزمن اتغير وهما عايشين أيام زمان”.
ده اللي قاله مجدي عبدالغني نجم الأهلي السابق على جماهير القلعة الحمراء بعد هجومها على محمود كهربا واحتراف محمد عبدالمنعم.. ليه قال كدا مجدي عبدالغني؟.. وأيه حكاية الكارثة اللي في الأهلي؟.. ده اللي هنعرفه مع بعض “قشة لفة بلس”.
في مباراة حسم لقب الدوري والمفروض الجماهير في المدرجات تحتفل بالدرع لكن الجميع فوجئ بيهم بيهاجموا نجوم الأهلي محمود عبدالمنعم كهربا ومحمد عبدالمنعم اللي عايز يحترف في فرنسا.. وعشان كدا مجدي عبدالغني نجم الأهلي السابق هاجم الجماهير وانتقدهم.
البلدوز قال: “الحقيقة ألمني جدًا هجوم جماهير الأهلي على محمد عبدالمنعم، لمجرد إنه عايز يحترف.. واضح إن جمهور الأهلي مش فاهم يعني إيه كورة.. مش فاهم مغزى الكورة إيه؟ جمهور الأهلي عايز يستأثر باللعيبة وتفضل اللعيبة عنده لحد ما يبطلوا.. مفيش كده.. الزمن اتغير واحنا في عالم الاحتراف والعالم كله بيعمل كده من زمان”.
محمد عبدالمنعم، عايز يحترف، الجمهور زعلان منه ليه؟ ليه إنت زعلان من الراجل هيروح يحترف في أوروبا وبيدور على مستقبله ويبقى زي محمد صلاح ومحمد النني.. الجمهور زعلان ليه إن عبدالمنعم، رابح يحترف؟ عايزينه يقعد هنا يلعب سنة ميلادية كاملة، عايزينه يقعد هنا ميعرفش الدوري هيبدأ امتى ولا هينتهي امتى”.
لاعب الأهلي محمد عبدالمنعم، ليه الحق أنه يسافر ويحترف وياخد فرصته ولازم كلنا ندعمه، احتراف عبدالمنعم، هيخدم منتخب مصر، الكرة بتصنف على المنتخب ياريت كانت بتصنف على النادي الأهلي كان زمنا في الأربع المراكز الأولى في العالم.
وكمان أسامة نبيه مدرب الزمالك السابق انتقد إدارة الأهلي وقال فيه عرض جاي لـ محمد عبدالمنعم، الأهلي بيعمل إيه؟ طلب اللي هو عايزه واللاعب ابن النادي.. وأنت بتعمل عقد لابنك لازم تراعي إن لو جاله الرقم اللي أنت مش عايزه أنت مش هاتسيبه وراعي وأنت بتطلب 5 مليون دولار.. زي ما اللاعب قدر، لازم النادي يعمل كدة، وده مش بيحصل”.
أسامة نبيه رد على سؤال هل أنت مع الأهلي إن هو متمسك بـ 5 مليون دولار؟ مقابل محمد عبدالمنعم، وقال: “أنت مش هطلع حد، طول ما أنت عايش في الدور وبتتفرج على المغرب والمنتخبات اللي حوالينا بتطور أنت مش هتبيع ولا تطلع حد.. ولا أهلي ولا زمالك، طالما بتقعد فاتح صدرك وتقول الأرقام دي”.
ضيف مجدي عبدالغني تامر عبدالحميد، نجم نادي الزمالك السابق اتكلم على انضمام يحيى عطية الله للأهلي.. وقال: “الصفقة دي مسكن لحالة الهيجان اللي كانت حاصلة الأسبوع اللي فات”.
“عشان مارسيل كولر يهدى بعد التصريحات اللي قالها الأسبوع اللي فات واللي كانت شيء غريب.. الناس مش متعودة إن المدير الفني يطلع ينتقد المجلس ولجنة التخطيط وضغط المباريات لأن عنده مجموعة من القنابل الموقوتة، أكبرهم كان كهربا ومشاكله وأزماته اللي مش بتنتهي والتصاعد المستمر”.
الأهلي أعلن في بيان رسمي عن موقفه من انتقال محمد عبدالمنعم لنادي نيس وقال: “الاجتماع شهد الاستقرار على إرسال طلبات الأهلي المالية ردا على العرض الفرنسي الذي تلقاه محمد عبدالمنعم التي تليق بالأهلي وقيمته، وإمكانات اللاعب المتميزة، وبما يضمن مصلحة الفريق”.
لكن جماهير الأهلي مش عايزة اللاعب يمشي وهاجمته في المدرجات.
