المنصة: عرب 22
الكوفر: الاتحاد الأفريقي: كفاية مجاملة للأهلي (لوجو الكاف والاهلي والزمالك)
“ادعموا الزمالك زي الأهلي.. وكفاية تظبيط المباريات”.. مسئول بالاتحاد الأفريقي يصدم الخطيب بقرار مفاجئ.. إزي هيحاربوا الأهلي على حساب الزمالك والترجي
“الأهلي بيتجامل وعايزين نرجع الزمالك”.. الاتحاد الأفريقي يصدم الخطيب قبل السوبر الأفريقي.. ليه عايزين الزمالك يكسب؟.. وإزي هيساعدوا القلعة البيضاء؟
/////
قبل مباراة السوبر الأفريقي بين الأهلي والزمالك.. مسئول كبير في الاتحاد الافريقي فجر مفاجأة وانتقد النادي الأهلي وقال عليه بيتجامل وبياخد أكتر من حقه.. ونادي الزمالك محتاج دعم خصوصا في أفريقيا.. عنده لعيبة كويسة وجمهور كبير لكن مش بيتعامل زي الأهلي.. وعايزينه يشارك في دوري أبطال أفريقيا مش الكونفدرالية بس.. الأهلي مسيطر على كل حاجة وفريق مزعج عايز يسيطر على كل البطولات.. لكن إدارة الأهلي هترد إزي على التصريحات دي؟.. وليه عايزين يدعموا الزمالك قبل السوبر الأفريقي؟.. ده اللي هنعرفه مع بعض في “عرب 22”.
لوكاس سبتمبر مدير الإعلام في الاتحاد الإفريقي لكرة القدم “الكاف” اتكلم عن الأهلي والزمالك وقارن بين الدعم اللي بياخده كل نادي في بلده وكمان في أفريقيا.. وشايف إن الأهلي بيتجامل في مصر وعشان كدا مسيطر على البطولات القارية والمحلية وأن الزمالم مش بياخد نفس الدعم المقدم للأهلي رغم أن عنده لعيبة مميزة واسمه كبير.
سبتمبر عمل حوار في القناة الأولى المصرية وقال: “شايف أن الكرة في إفريقيا محتاجة للدعم.. وعلى سبيل المثال نادي زي الزمالك شايف أنه محتاج دعم عشان يدخل أكتر في الكرة الإفريقية.. لأنه عنده لاعبين جيدين.. لكن شايف أنه لا يُعامل زي الأهلي.
النادي الأهلي داخل إفريقيًا أكتر نادي بيتم دعمه سواء في مصر أو أفريقيا.. واسمه كبير في إفريقيا ومش شايف اللي بيحصل معاه زي اللي بيحصل مع الزمالك.. أنا أحب الزمالك ميشاركش في الكونفدرالية بس.. عايزه يلعب كمان في دوري أبطال إفريقيا”.
الإعلامي كريم رمزي سأله وقاله: “هل الكاف بينزعج من تكرار فوز الأهلي بالألقاب القارية”.. فرد عليه وقاله: “ليه هنكون سعداء إذا فاز فريق أو خسر؟.. الأهلي فريق كويس وعنده لاعبين محترمين وإدارة محترمة، وعارفين هدفهم.. لكن زي ما بنتكلم عن الأهلي ممكن نتكلم عن الزمالك والوداد والترجي.. أنا شايف فيه أندية كتيرة غير الأهلي.. الأمر ملوش علاقة بالاتحاد الإفريقي يفرح ولا يحزن.
الأهلي فريق قوي ودائمًا عايز الفوز ومزعج جدًا في إفريقيا.. هو نادي كبير والزمالك برضو نادي كبير وعندهم لاعبين في المنتخب المصري وشايف الأهلي فريق مُزعج لكن مقدرش أقول إننا نحزن أو نفرح لما يفوز بالألقاب.
الأهلي هيقابل الزمالك بصفته بطل دوري أبطال أفريقيا.. والزمالك بطل الكونفدرالية.. وهيتلعب الماتش يوم 27 سبتمبر في العاصمة السعودية الرياض.. ضمن موسم الرياض وده البيان اللي أعلنه المستشار تركي آل الشيخ اللي قال أنه اتفق رسميا مع رئيس الاتحاد الإفريقي لكرة القدم باتريس موتسيبي على استضافة النهائي التاريخي لكأس السوبر الأفريقي 2024 بين الأهلي والزمالك في موسم الرياض.
وجماهير الزمالك عندها تخوف من لعب الأهلي والزمالك السوبر في السعودية وشايفين المستشار تركي آل الشيخ بيجامل الأهلي على حساب الزمالك زي ما حصل في نهائي كاس مصر 2023 اللي فاز فيه الأهلي بنتيجة 2 صفر على ملعب “الأول بارك” في الرياض.
ودي مش أول مرة مسئول من أفريقيا يتكلم عن مجاملة الأهلي في مصر وأفريقيا.. وأندية زي الترجي التونسي وصن داونز الجنوب أفريقي شايفين إن اتحاد الكرة بيجامل الأهلي عشان يسيطر على البطولات الأفريقية وبيريحوه في مباريات الدوري المحلس وعشان كدا قدر ياخد 12 بطولة قارية.
ومدرب صن داونز السابق قال: “شوفوا نتائج الأهلي في الدوري المحلي.. وإزي بيترتب ليه المباريات.. وكمان وليد قرفالة المتحدث باسم نادي الترجي وقال: “شوفوا في مصر بتتعاملوا إزي مع الأهلي”.
