ليلى عبداللطيف مش عايزة تسكت وكل شوية تطلع بتوقعات وتنبؤات غريبة.. منها اللي بيحصل بالصدفة وكتير منها ملوش لازمة وفرقعة في الهوا.. لكن بعد تتويج الأهلي ببطولة أفريقيا فاجئت الجماهير بتوقعات عن مشوار الأهلي في البطولة.. يا ترى هيعمل أيه الأهلي في كاس العالم؟.. ومين المشجع اللي أحرج العرافة اللبنانية؟.. وأيه اللي هيعمله رامي ربيعة مع المشجع؟.. ده اللي هنعرفه مع بعض في “عرب 22”.
العرافة اللبنانية ليلى عبد اللطيف طلعت تريند بعد ماتش الأهلي والترجي في نهائي دوري أبطال أفريقيا اللي فاز بيه المارد الأحمر وحقق لقبه رقم 12.. وجماهير الأهلي هاجمت العرافة وقالت إن كل كلامها دجل ومش صحيح بديل أن الأهلي خد البطولة عكس توقعاتها.
بس ليلى عبداللطيف نص كلامها طلع صح وخاصة لما قالت إن الأهلي مش هيسجل أي أهداف في مرمى الفريق التونسي في ستاد رادس.. وده اللي حصل فعلا في ماتش الذهاب اللي خلص تعادل سلبي.
وبعدها طلعت في مقطع فيديو على حسابها بموقع التواصل الاجتماعي إنستجرام ونفت الكلام ده بعد هجوم الجماهير الأهلاوية وقالت أنا قلت إن فريق مصري هيحصد لقب مهم وهتخرج الجماهير المصرية للاحتفال في الشوارع وده اللي حصل والأهلي توج في استاد القاهرة والجماهير المصرية نزلت الشارع تحتفل.
ليلى عبداللطيف رجعت من تاني اتكلمت على مشوار الأهلي في كاس العالم للأندية وقالت إن الأهلي هيحقق إنجازات عالمية.. بعد التتويج بدروي أبطال إفريقيا.. وهيعمل نتائج إيجابية كبيرة في كأس العالم للأندية.. والفضل هيرجع للاعبه إمام عاشور اللي هيكون من نجوم الفريق في الفترة الجاية.
العرافة اللبنانية هاجمت المواقع والصحف التونسية اللي قالت إن الترجي هو اللي هيفوز بدوري الأبطال وأن الترجي هيعمل مع الأهلي زي ما عمل مع فريق صن داونز وهيقدر يغلبه.. لكن ده محصلش.
وأكدت ليلى عبداللطيف أنها بتشجع الأهلي وأهلاوية صميمة وبتتمنى فوز الأهلي في كل البطولات وعنده تاريخ كبير وسجل حافل بالبطولات المحلية والعالمية.
وقبل مباراه نهائي دوري ابطال افريقيا بين الاهلي والترجي التونسي ظهر مشجع بتعليق مثير جدا عن خوفه وقلقه من المباراه وده طبيعي لانه بيلاعب بطل القاره.
وكمان نهائي بطوله واي غلطه تضيع البطوله المهم المشجع التونسي لما اتسال من اكتر لاعب خايف منه في الاهلي كان رده غريب وقال انه بيخاف من رامي ربيعه.. وكله رد عليه وخصوصا جماهير الاهلي ده احنا اللي خايفين من رامي ربيعه.
جماهير الاهلي كانت منطقيه جدا في كلامها لان رامي كان بيقدم اداء دفاعي مش كويس خالص في الفتره الاخيره وخصوصا في مباريات الدوري.
لكن طلع المشجع التونسي ده هو اللي صح ويكون رامي ربيعه السبب في فوز الاهلي بلقب دوري ابطال افريقيا.. ويرد على كل الانتقادات الاخيره اللي اتعرض ليها.
وصدق تنبؤ المشجع التونسي أن رامي ربيعه عليه قلق كبير ويكون المشجع ده اللي صدف في مخاوفه.. وليلى عبداللطيف اللي بتقول إنها خبيرة في الفلك والتوقعات طلع كلامها فنكوش.
وعشان كدا رامي ربيعة لما اتسأل فيه مشجع توقع ليك إنك هتكون خطير وتجيب جول قال أنا معرفش لكن ناس صحابي بعتوا ليا الفيديو وأنا بشكر المشجع ده.. وهتواصل معاه ولو قابله في تونس أو مصر هجيب ليه هدية.. وشه حلو عليا وجبت جول البطولة وفرحت جماهير الأهلي.
