مرعب الأهلي وصل صورة لاعب مجهول بتشرت الزمالك +فريق الأهلي وكولر في الخلفية
“اللي هياخد السوبر من الأهلي وصل”.. الزمالك يبرم أهم صفقة في آخر 10 سنوات قبل مباراة السوبر الأفريقي.. وجوميز يجهز مفاجأة لـ”كولر”
“وقع لـ7 أندية.. وكولر خايف منه”.. مفاجأة في صفقة الزمالك الجديدة قبل السوبر الأفريقي.. وليه اتضرب في أمريكا؟
الزمالك خلص أهم صفقة في تاريخه آخر 10 سنين.. اللاعب هو اللي هيجيب السوبر ومراهن عليه الكابتن حسين لبيب.. اللي فاوض اللاعب بالصدفة.. وقدر يخلصها في 48 ساعة بس.. الصفقة دي هتعمل نقلة في جودة اللعيبة في نادي الزمالك.. وهيكون أهم أسلحة جوميز الهجومية مع زيزو في الجناج اليمن والمهاجم عمر فرج.
لكن الصفقة دي أثارت الجدل وعملت أزمات كتيرة في الشارع المصري.. مين الصفقة دي؟.. وليه قالوا هو اللي هيحسم السوبر الافريقي؟.. وأيه حكاية مفاجأة جوميز لكولر في ماتش السوبر؟.. وليه المسئولين في الأهلي زعلانين؟.. وأيه حكاية توقيعه لـ7 أندية في وقت واحد؟.. ده اللي هنعرفه مع بعض في “عرب 22”.
مجلس الزمالك بعد فك القيد ودفع فلوس الغرمات اللي على فريق الكرة عمل ميركاتو تاريخي ومحدش مصدق إن الصفقات دي وبجودة اللعيبة دي هتكون في نادي الزمالك.. وعشان كدا المسئولين في الأهلي خايفين من اللاعب اللي هيشارك في بطولة السوبر الأفريقي.. وهيكون نقطة قوة للقلعة البيضاء مع أحمد مصطفى زيزو وعبدالله السعيد.
اللاعب اللي بنتكلم عنه هو جناح ومهاجم منتخب الجابون أرون بوبيندزا لاعب فريق الشباب السعودي السابق.. الصفقة دي معقربة شوية زي صفقة محمد علي بن رمضان مع الأهلي.. لكن الزمالك طلع أذكي واتعلم الدرس كويس من اللي حصل مع الصفقات اللي قبل كدا.. وراح مأمن نفسه كويس.
اللاعب مكنش على رادر الزمالك في الصفقات الصيفية لكن وكيل مصري على اللاعب على الإدارة اللي تفاوضات مع النجم الجابوني وقدروا يعملوا اتفاقية تعاقد وحصلوا على البطاقة الدولية وكدا اللاعب بقي بشكل رسمي على ذمة الزمالك وأي توقيع منه لأي نادي تاني هيعرضه للإيقاف التلقائي بسبب التوقيع لناديين والفريق الأبيض هيلجأ للفيفا بسبب الضرر ويطلب تعويض مالي.
فيه أطراف كلمت اللاعب عشان تفسد الصفقة على الزمالك وقالوا ليه الفريق عليه قضايا في الفيفا ومش بيدفع فلوس للعيبة الأجانب بتاعته ومش هتاخد مرتبك وده اللي قلق اللاعب وخلاه خايف لكن الإدارة عرفت اللي عمل ده.. وبعتت تذاكر الطيران لللاعب اللي هييجي الزمالك خلاص بعد رفض كل العروض المقدمة ليه.
ومصادر فجرت مفاجأة وقالت إن اللاعب عامل نفس الاتفاقية مع 7 أندية تانية عشان ينضم ليها.. وبكدا الزمالك واقع في ورطة كبيرة.. وعشان كدا أعلن على صفحته الرسمية وصول البطاقة الدولية للاعب.
صحيفة «أي آم سبورت» الرومانية قالت: “المهاجم الجابوني أرون بوبيندزا وقع لنادي الزمالك واختار تمثيله.. وهيحصل على مبلع قدره 5 مليون يورو في 3 مواسم.. ومرتبه هيكون مليون يورو في السنة غير المكافآت”.
لكن موقع cincinnati حذر من اللاعب وقال إنه فسخ عقده مع نادي سينسيناتي الأمريكي بسبب مشاجرة مع ملاكم محترف اللي كسر فكه وغاب فترة عن المباريات، وكمان طلع في بث مباشر بيهاجم زمايله ومدربه بطريقة مش كويس.. ده غير أنه بيرجع متأخر من معسكرات منتخب بلاده.. واستبعدوه من المنتخب.
أرون بوبيندزا لعب في الموسم الماضي مع فريق سينسيناتي المنافس في الدوري الأمريكي للمحترفين، في 35 مباراة، وتمكن من تسجيل 9 أهداف، وصنع 5، وسبق ليه اللعب مع الشباب السعودي والعربي القطري.
وعشان إمكانيات اللاعب الكبيرة المدرب البرتغالي للزمالك جوزيه جوميز طالب الإدارة بسرعة حسم الصفقة عشان بيجهز بوبيندزا يكون مفاجأة لمدرب الأهلي مارسيل كولر في مباراة السوبر الأفريقي.
