علي معلول جدد عقده مع الأهلي لكن ندم على القرار ده.. وعايز يمشي وقال لإدارة الكرة: “أنتوا مش مقدرين اللي عملته مع الفريق.. أنا ندمان على الفترة اللي ضيعتها في الأهلي.. واتنازلت على عروض مغرية بأرقام كبيرة عشان أجيب لكم البطولات”.
وبعدها عمل أزمة في النادي خصوصا بعد قرار كولر ضده.. والكلام اللي قاله عليه.. مدرب الأهلي قال أيه على معلول خلاه زعلان؟.. وليه نجم الأهلي عايز يمشي؟.. وأيه حكاية الانتقال للزمالك؟.. وليه قال أنا أحسن من محمد علي بن رمضان؟.. ده اللي هنعرفه مع بعض في “عرب 22”.
السويسري مارسيل كولر المدير الفني للأهلي خلى الإدارة تتعاقد مع بديل علي معلول وقال عشان نجم منتخب تونس مصاب وهيطول شوية.. ومحتاج بديله في السوبر الأفريقي قدام الزمالك.. لكن الحقيقة إن كولر غدر بعلي معلول ومش عايزه معاه في الأهلي وعامل خطة لتطفيش اللاعب.
وعلى الناحية التانية إدارة القلعة الحمراء برئاسة الكابتن محمود الخطيب عارفة قيمة اللاعب وحب الجماهير ليه.. وعشان كدا مش عايزة تضحي بيه وقامت جددت العقد بتاع اللاعب ودفعت مبلغ محترم.
بس بعد كدا نجم منتخب تونس عمل مشكلة وقال إنه عايز يمشي ومش هيكمل في الأهلي.. ورفض عرض من إدارة القلعة الحمراء بالرحيل على سبيل الإعارة لنادي فاركو في الدوري الممتاز.. وقال: “مش رايح مكان غير الأهلي أو نفسخ العقد وامشي من غير مشاكل واحترموا تاريخي”.
وده اللي كشفه الإعلامي مدحت شلبي اللي قال: “علي معلول فجر أزمة كبيرة داخل النادي الأهلي في الأيام الماضية بعد استبعاده من القيد في قائمة الفريق في الموسم الجديد”.
اللاعب عقد اللاعب جلسة مع سامي قمصان في الآونة الماضية وتم تهدئة معلول بشأن الأمر ده بعد ترضيته بمنحه نسبة المشاركة في عقده تقديرًا ليه وإلغاء بند نسبة المشاركة في العقد الجديد.
لكن علي معلول.. حاسس بغضب شديد بعد استبعاده من قائمة الفريق، خصوصا بعد ضم الظهير الأيسر الدولي المغربي يحيى عطية الله.. واللي هيكون اللاعب الأساسي في مركزه ومعلول هيلاقي صعوبة في المشاركة.
معلول طلب من وكيل أعماله البحث عن عرض للرحيل عن الأهلي في يناير.. خصوصا أنه يشعر باستياء كبير جدًا بسبب إبلاغ كولر ليه أنه خارج حساباته في الموسم الجاري بعد ضم يحيى عطية الله ده غير اكتمال قائمة الأجانب.
مدحت شلبي قال: «قائمة الأهلي للأجانب تشهد قيد 4 لاعبين وهما بيرسي تاو ورضا سليم وأشرف داري ويحيى عطية الله.. والأهلي بيسعى لضم لاعب أجنبي جديد في الفترة الجارية.. وده بيقضي على آمال انضمام معلول لمباريات الأهلي في المستقبل.. الغريب في الأمر أن الأهلي بيقوم بالتجديد للاعب رفضه كولر وطلب التعاقد مع بديل ليه.. وده عشان محمود الخطيب منح اللاعب وعد بالتجديد رغم الإصابة.
مصدر في الأهلي قال: “الخطيب بيقدر علي معلول بصورة كبيرة واتصل باللاعب وبلغه فيه بخروجه من القائمة وأنه هيتقيد في شهر يناير.. وقاله سياسة كولر معروفة ليه كلاعب من حيث عدم الدفع باللاعب العائد من إصابة إلا بعد تعافيه بشكل كامل.. وده مش في أيد رئيس النادي”.
ومصدر مقرب من مجلس إدارة الزمالك قال: أحد وكلاء اللاعبين عرضوا علي معلول على الزمالك في فترة الانتقالات الصيفية ضم لاعب الأهلي لكن مجلس الكابتن حسين لبيب رفض اللاعب عشان سببين.. الأول هي إصابة اللاعب اللي مطولة والسبب التاني سن اللاعب وراتبه الكبير اللي بياخده مع الأهلي”.
