الكوفر: صديق كهربا بوظ صفقين للزمالك (صورة نجيب ساويرس بس أخفى وشه وفي الخلفية كهربا ولوجو الزمالك)
خطف موهبة الزمالك وبوظ عليه صفقين سوبر.. مفاجأة صديق كهربا يفشل صفقات حسين لبيب من أجل الأهلي
صديق كهربا يحبط مخطط حسين لبيب لخطف صفقة الأهلي.. مفاجأة في فشل انتقال محمد إسماعيل للزمالك
صديق كهربا بوظ الصفقة عشان الأهلي.. كواليس فشل انتقال الثنائي المتألق للزمالك.. وإزي ضحك على حسين لبيب؟
صديق محمود عبدالمنعم كهربا بوظ صفقتين سوبر على الزمالك.. ولما لقي الأهلي مش عايز اللعيبة قال مش هبيعهم يقعدوا في النادي ولا يروحوا الزمالك يستفيد منهم وينافس الأهلي.. مش بس كدا..
ده كمان عمل عقد وهمي عشان يبيع موهبة الزمالك للدوري الإنجليزي والقلعة البيضاء متاخدش نسبة من الفلوس.. وخد كمان 2 لعيبة شباب سوبر هيكون هما المستقبل بتمن قليل جدا.. مين ده؟.. وليه عمل كدا؟.. وأيه حكاية الصفقات اللي فشلت؟.. وأيه علاقة الأهلي باللي حصل؟.. ده اللي هنعرفه مع بعض في “قشة لفة بلس”.
المسئولين في نادي الزمالك عايزين صفقتين من الدوري المصري وتحديدا من نادي زد وكمان الأهلي كان عينه على الاتنين لعيبة دول وهما محمد إسماعيل قلب الدفاع.. وعبدالرحمن البانوبي نجوم نادي زد اللي تألقوا مع الفريق في الموسم الماضي.
وإدارة الكابتن حسين لبيب اتكلمت مع المسئولين في زد على شراء محمد إسماعيل وفعلا إدارة الكرة وافقت على بيع اللاعب للزمالك في فترة الانتقالات الصيفية واتفقوا على كل حاجة سواء المقابل المادي اللي هياخده زد أو مرتب اللاعب وباقي الامتيازات.
لكن فجأة وبدون مقدمات ملاك زد برئاسة رجل الأعمال نجيب ساويرس رفضوا بيع اللاعب للزمالك وقالوا مش هيمشي من النادي وإحنا عايزينه.. وده اللي أكده الكابتن خالد الغندور نجم الزمالك الأسبق.
اللي قال في تصريحات تلفزيونية على قناة “المحور”: “صفقة انتقال محمد إسماعيل، لصفوف الزمالك فشلت.. المسئولين في القلعة البيضاء زعلانين من إدارة نادي زد، لأنهم شايفين إنهم كانوا مسهلين موضوع انتقال مصطفى زيكو ومحمد إسماعيل إلى النادي الأهلي”
“وعندما صرف الأهلي النظر عن ضم زيكو ومحمد إسماعيل، إدارة الزمالك شافت أن فيه تعنت من نادي زد، في صفقة محمد إسماعيل، وفجأة رفضوا انتقال اللاعب إلى الزمالك”.
واتقال إن مجدي عبدالعاطي، المدير الفني لفريق زد، هو من رفض رحيل عبدالرحمن البانويي ومحمد إسماعيل، لصفوف الزمالك لحاجة الفريق لخدماتهما الفنية.
لكن الإعلامي الأهلاوي أمير هشام فجر مفاجأة وقال إن سبب فشل الصفقة هو رفض نجيب ساويرس بيع اللاعب لنادي الزمالك.. خصوصا أن أحمد سليمان عضو مجلس إدارة الزمالك توصل لاتفاق مع زد للحصول على خدمات المدافع المتألق لمدة 4 سنوات.
وده ظهر لما السويسري مارسيل كولر المدير الفني للأهلي رفض صفقة ثنائي زد.. فإدارة زد قالت مش هنفرط في خدمات اللاعيبة.
ومصدر من نادي زد قال في تصريحات لموقع الوطن: “انهيار صفقة ضم محمد إسماعيل جاءت بسبب تمسك الجهاز الفني لزد بقيادة مجدي عبد العاطي باستمرار اللاعب في صفوف الفريق الموسم المقبل”.
وعشان كدا جماهير الزمالك شايفين إن نجيب ساويرس مشجع الأهلي وصديق اللاعب محمود كهربا اللي دفع ليه جزء من غرامته للزمالك هو اللي عطل الصفقة..
وكمان عمل عقد وهمي لبيع اللاعب عمر خضر لنادي أستون فيلا في الدوري الإنجليزي اللي بيملكه ساويرس وأخواته بمبلغ صغير عشان يحرم الزمالك من نسبة إعادة البيع واللي المفروض توصل لـ700 ألف دولار لكن قلل المبلغ ده ووصل لـ70 ألف دولار بس.
ومن أسباب غضب جماهير الزمالك هو قرار مجلس الإدارة ببيع الثنائي ماجد هاني وحمدي علاء نجوم الفريق الشباب واللي كانوا بيلعبوا مع بلدية المحلة وسموحة لنادي زد مقابل 12 مليون جنيه بس.
والجماهير هاجمت الإدارة وقالت ليهم إزي تبيعوا لعيبة بشكل نهائي لفريق مش عايز يتعاون معاكم وكمان بيفضل الأهلي علينا ومعطل لينا كل الصفقات.
