“هنعدل اللائحة عشان الأهلي.. ومحدش يقدر يزعل الخطيب”.. اتحاد الكرة يتراجع وينفذ طلبات الأهلي قبل السوبر ويصدم بيراميدز
“الأهلي هيلعب غضب عن الكل.. وبيراميدز هيتعاقب.. ومحدش يزعل الخطيب”.. اتحاد الكرة يتراجع وينفذ طلبات الأهلي قبل السوبر ويصدم بيراميدز
“هو الأهلي محتاج كاس ولا الدوري.. ده نادي القرن وعنده بطولات تكفيه العمر كله.. ده نادي القرن.. وأكيد هيشارك في النسخة الجديدة من الكاس.. وبعدين الكابتن الخطيب معاه حق في الانسحاب من البطولة.. هيلعب أيه ولا أيه؟.. لازم لعيبته تريح شوية”.
ده كلام واحد من أهم المسئولين عن الكرة في مصر بخصوص العقوبات اللي مفروض تطبق على الأهلي بعد انسحابه من البطولة.. لكن مش ده المفاجأة.. المفاجأة اللي بجد هي القرارات الصادمة ضد بيراميدز اللي هيشارك في بطولة السوبر المصري.. أيه هي؟.. وأيه هي طلبات الأهلي؟.. ده اللي هنعرفه مع بعض في “عرب 22”.
النادي الأهلي في نهاية موسم 2023-2024 أعلن انسحابه من بطولة كاس مصر اللي فاز بيه بيراميدز وحقق أول بطولة في تاريخه بيه.. ومرضيش يكمله وحسب اللائحة فالأهلي هيتعاقب بخصم مليون جنيه منه وحرمانه من المشاركة الموسم اللي بعده.
لكن اللواء ثروت سويلم عضو مجلس رابطة الأندية المحترفة فاجئ الكل وقال كلام عكس ده.. وأكد أن النادي الأهلي هيشارك في الموسم الجديد من الكاس بنسبة 100%.
ثروت سويلم اتكلم عن تطبيق اللائحة على الأهلي ورد على من الإعلامي إبراهيم فايق اللي سأله أيه موقف الأهلي بعد انسحابه من بطولة كأس مصر؟.. وقال: “وارد جدًا تعديل لائحة المشاركة في كأس مصر.. اتحاد الكرة في استطاعته يقوم بتعديل اللائحة في سبيل خدمة للمسابقة.. الأهلي لا يحتاج إلى الحصول على كأس مصر أو دوري.. الأهلي يمتلك بطولات للعمر كله هو نادي القرن”.
ومن مصلحة اتحاد الكرة تعديل لائحة كأس مصر.. مش لمصلحة الأهلي لكن لمصلحة المسابقة نفسها والحفاظ على بطولة من أقدم البطولات.. والنادي لم ينسحب من البطولة.. وأنا بأيد قرار الأهلي أنه يعتذر عن البطولة والخطيب معاه الحق.. وإحنا مخدناش قرار في اتحاد الكرة ورابطة الأندية عشان نسيب الفرصة للمجلس الجديد إنه ياخد قراره ويلعب الأهلي في النسخة الجديدة.
المفاجأة كمان إن المسئولين في اتحاد الكرة بدأوا في الاستجابة لضغوط النادي الأهلي قبل ماتش السوبر الافريقي الخاصة بالتحقيق في الشكاوي اللي قدمها النادي ضد نادي بيراميدز ولعيبته.. ولجنة الانضباط استدعت مروان حمدي لاعب بيراميدز وحققت معاه في اتهامه بمهاجم جماهير الأهلي.. لكن اللاعب قال أنا بحترم لكن هما شتموني وشتموا زمايلي.
ومصادر قال إن اللجنة هتطلع قرارات ضد لعيبة في بيراميدز قبل مباراة السوبر عشان ترضي النادي الأهلي اللي هدد بالانسحاب من البطولة.
في مفاجأة تانية عن الدوري الجديد ثروت سويلم قال: “رابطة الأندية دعت الأندية لاجتماع يوم 18 سبتمبر عشان تناقش شكل الدوري الجديد.. وعايز الموسم الجاي يكون استثنائي”.
لو بدأنا الدوري بنفس سيناريو الموسم اللي فات هنبدأ في شهر 10 وينتهي في شهر سبتمبر 2025، والوضع ده هيستمر لسنين طويلة جاية.. وبالتالي أردنا أن يكون فيه قرار للأندية مع الشركات الراعية”.
أعضاء رابطة الأندية جميعهم موجودين، ومش عارف مين هيحضر بالتحديد للاجتماع لكن الرابطة دعت جميع الأندية، ووارد أن يحضر الجميع ووارد أن يعتذر البعض”.
يجوز أن تضع الرابطة الحالية شكل الدوري وتأتي رابطة جديدة بعدها هذا طبيعي، لأن الرابطة ليست صاحبة القرار في شكل الدوري وهناك شركاء مثل اتحاد الكرة ولجنة الحكام والشركة الراعية والشركة الإعلامية جميعهم مشاركين مع الـ18 ناد في القرار، فلا يمكن أن يكون للرابطة قرار فردي.
