الأهلي لعب أول مباراة في الموسم الجديد قدام جورماهيا الكيني.. وفاز بنتيجة كبيرة.. لكن رغم المكسب فيه 3 نجوم في الفريق عملوا أزمة في كينيا.. وواحد منهم طلب الرحيل بشكل عاجل.. وقال للكابتن سامي قمصان: “أنا عايز امشي ومش هقعد في النادي ولا يوم تاني.. والله ما هروح الزمالك.. بس اللي بيحصل معايا ده مش طبيعي.. أنا نجم وتألقت مع منتخب مصر.. مش فاهم كولر ليه بيعاملني كدا”.
لكن سامي قمصان فشل أنه يهدي اللاعب وقاله هبلغ الإدارة تشوف مشكلتك.. مين هو اللاعب ده؟.. وأيه علاقة الزمالك باللي حصل؟.. والخطيب هيعمل معاه أيه؟.. ده اللي هنعرفه مع بعض في “قشة لفة بلس”.
اللاعب اللي بنتكلم عليه هو واحد من المتألقين مع نجوم المنتخب الأولمبي اللي شارك في أولمبياد باريس.. والمفروض يشارك أساسي مع الفريق خصوصا بعد إصابة اللاعب الأساسي لكن مارسيل كولر مش مقتنع باللاعب وخلى الإدارة تشتري صفقة جديدة.
النجم هو كريم الديبس الباك الشمال بتاع الأهلي.. واللي خد وعد بالمشاركة مع الفريق من لجنة التخطيط لكن ده محصلش في أول مباراة للأهلي في الموسم الجديد اللي لعبها الفريق قدام جورماهيا الكيني.
مصدر في النادي الأهلي قال: “كريم الدبيس عبر عن غضبه من قرار كولر بعد عدم مشاركته في ماتش جورماهيا خصوصا بعد إصابة يحيى عطية الله وخروج من الملعب ونزول البديل عمر كمال عبدالواحد اللي بيلعب في مركز الظهير الأيمن”.
وده اللي اعتبره كريم الدبيس إهانة ليه وعدم تقدير لدوره مع الفريق زي اللي حصل مع أحمد حجازي مدافع المنتخب وحسام حسن المدير الفني للفراعنة اللي قعده دكة ولاعب مكانه حمدي فتحي في مركز قلب الدفاع رغم أن مركزه الأساسي نص ملعب”.
كريم الدبيس خرج من حسابات المدير الفني اللي مش مقتنع بخدماته الفنية خصوصا أن اللاعب لا يجيد التعامل الدفاعي وطالب لجنة التخطيط بضرورة تسويق اللاعب وعدم بقاءه داخل الفريق مع اقتراب علي معلول من العودة من جديد للمشاركة برفقه يحي عطية الله في مركز الظهير الأيسر.
وعشان كدا لاعب الأهلي قعد مع سامي قمصان مدرب الفريق ومدير الكرة وطلب منه الرحيل وقاله: “عايز أمشي مش هقدر أقعد مع الفريق ومستر كولر مش عايز يلاعبني رغم أن مفيش حد غيري في المركز ده.. وأنا بتدرب كويس ومش مقصر في التدريبات وببذل قصارى جهدي.. ولما شاركت في الأولمبياد كنت واحد من اللعيبة الأساسية مع المنتخب”.
اللاعب وصله عروض محلية من الدوري المصري وخارجية من الخليج وتحديدا من الدوري الإماراتي اللي عايز اللاعب خصوصا نادي خورفكان الإماراتي اللي قدم عرض رسمي للأهلي للحصول على خدمات اللاعب إعارة لمدة سنة في فترة الانتقالات الصيفية الجارية.
نادي خورفكان عايز كريم بعد تألقه في أولمبياد باريس 2024 ومشاركته مع المنتخب في الوصول للمركز الرابع على مستوى العالم.
إدارة القلعة الحمراء وعدت اللاعب بدراسة إمكانية رحيله في انتقالات يناير.. وأعلنت رفضها للعروض البلجيكية والإماراتية اللي وصلت ليه.. وده اللي أزعج الدبيس خصوصا أن كولر مش عايز يديله الفرصة الكاملة للمشاركة مع الفريق وبيعتمد على عمر كمال عبدالواحد كبديل للمغربي يحيى عطية الله.
المسئولين في الأهلي طالبوا من اللاعب بذل مزيد من الجهد في التدريبات وقالوا ليه المشاركة في ايد المدير الفني هو المسئول عن الفريق.. لكن وعدوه بأنهم هيتكلموا معاه عشان يلعبه.
