فيديو خناقة ياسر إبراهيم مع مشجع تصدر تريندات مصر خلال الساعات الماضية وذلك بعد تداول فيديو مشاجرة ياسر إبراهيم مع مشجع في الشارع، وفي التقرير التالي نكشف عن تفاصيل جديدة في خناقة ياسر إبراهيم.
جماهير النادي الأهلي دعمت لاعب الفريق الأول لكرة القدم بالنادي الأهلي ياسر إبراهيم، وقال أحد الجماهير: “ياسر إبراهيم طول عمره في الشارع وبيتعامل مع الكل بحب واحترام، أما تفكر تقل أدبك قدام أهل بيته استحمل”.
وتحولت مواقع التواصل الاجتماعي إلى هاشتاجات لدعم ياسر إبراهيم لاعب الأهلي، وقال أحد الجمهور: “دكر يا ياسر قسما بالله وأنا لو مكانه هعمل ضعف اللي عمله ياسر مليون مرة.. مش من حق شخص إهانة شخص تاني خصوصاً قدام أسرته.. وبإذن الله الموسم الجاي هنرد عليهم في الملعب عالم تعبانة”.
خناقة ياسر إبراهيم مع مشجع زملكاوي في المنصورة
وكشفت مصادر في النادي الأهلي عن مكان حدوث خناقة ياسر إبراهيم مع أحد الجماهير، مشيرا إلى أن الواقعة حدثت في مدينة المنصورة أمام أحد المحال الشهيرة.
وأضافت المصادر أن ياسر إبراهيم اشتبك مع أحد العاملين في المحال التجارية الموجودة في شارع الجمهورية بمنطقة ميت خميس في المنصورة.
فيديو رسالة شيكابالا للاعبي منتخب الشباب المثيرة بعد تصريح صلاح باشا
وأوضحت المصادر أن ياسر إبراهيم تجاهل استفزازات المشجع والذي تبين فيما بعد أنه ينتمي إلى أحد الأندية المنافسة، لكن لم يتحمل ما حدث.
وكشفت المصادر أن المشجع الذي اشتبك مع ياسر إبراهيم، قال للاعب الأهلي: “هتلعبوا السوبر ولا إيه.. العبوا خلاص بن شرقي مشي”.
وأشارت المصادر إلى أن ياسر إبراهيم لم يتحمل هذه الكلمات، وقام ياسر إبراهيم بضرب المشجع وهو ما شوهد في فيديو خناقة لاعب الأهلي مع الجماهير.
جماهير الأهلي تدعم ياسر إبراهيم بعد ضرب مشجع
وأيدت جماهير النادي الأهلي تصرفات اللاعب وقال منصور أحمد في تعليقه على موقع التواصل الاجتماعي “فيس بوك”: “يا ريت نفرق بين اللاعب فى الملعب و فى الشارع خاصة أمام أهله المهم أن أى حد هايفكر ١٠٠ مره قبل ما يتعرض للاعب اهلاوى. ياسر رجوله و كفاءة”.
وتابع عمرو علي في دعمه للاعب الأهلي: “حقه يعمل أكثر من كده ده إنسان وله خصوصيته وحياته ولا هو المفروض يتشتم ويتهان وميبقاش ليه رد فعلا خوفا من الكاميرا وردود الفعل والله اللي عمله ده قليل لأن أكيد مليون في الميه اتعرض للاستفزاز لأن مفيش إنسان طبيعي هيضرب حد كده من فراغ”.
وسخر أحمد سيد من فيديو ضرب ياسر إبراهيم للمشجع قائلا: “لو قفشه كان هيفضل يلف حولين نفسه عشان ياخد وضعيه الاستعداد للضرب”.
وقال عمر: “بعيدا عن انتماءه احنا وصلنا تشجيعنا انه غل وحقد واستفزاز واهانه وشتيمه وشتيمه في أمهات اللاعبين وقدام عيالهم وأسرتهم الكورة في مصر بقت حاجة في منتهي القرف والسوء ربنا يرحمنا برحمته”.
وواصل محمود عصام في تغريدة على موقع التواصل الاجتماعي تويتر: “على فكرة لو الموضوع كده عنده حق هو مش علشان لعيب كورة يبقي معندوش دم أي حد مكانه هيشوف واد بيقلل منه قدام مراته هو ده رد الفعل الطبيعي”.
مشجع لجماهير الأهلي: ليه بتشتموا شيكابالا؟
وهاجم سعيد ماجد إحدى الصفحات الداعمة لجمهور النادي الأهلي قائلا: “وأنت نسيت يا ماجيكانو لما نزلتوا فيديو الراجل اللي كان بيتعدى على الحكم محمود عاشور برا الملعب وقولته عليه أنه راجل محترم وإن محمود عاشور يستاهل.. أنتوا اللي بتخلقوا الأمثال دي وبتفهموهم أنهم على حق لدرجة إن معتوه تعدى على لاعب أمام أسرته وزوجته.. كرة القدم شئ تافه، اتفه بكتير اوي من اللي بتعملوه”.
واختتم مصطفى شفيق: “شوف أنا هصدقك جدا في اللي بتقوله وان اللي حصل من ياسر ده كان لمشجع زملكاوي مش أهلاوي، حلو كده؟ طب تعلالي ثانيه كده.. يعني أنت بتنزل صور ياسر وكاتب عليها أنه راجل وابن راجل عشان عمل كده مع مشجع زملكاوي كان بينتقده؟”.
فيديو خناقة ياسر إبراهيم يضرب مشجع.. تفاصيل كاملة وموقف قوي من الأهلي
وتابع: “يعني أنت تشتم شيكابالا -محمود عبدالرازق شيكابالا لاعب نادي الزمالك- وتقول عادي احنا جمهور مينفعش يدخل في مشاحنات معانا .. يعني انت تروح المقابر و تقول إنك بتقرأ عليه الفاتحة وتقول مينفعش برضه يدخل في مشاحنات مع الجمهور.. يعني أنت تجيب سيره أهله ومراته وتقول مينفعش يتكلم معانا احنا جمهور برضه”.
وواصل: “لكن ياسر حد ينتقده ف ياسر يمد أيده عليه بالشكل ده فتقولوله أنت راجل وابن راجل؟ فين المبدأ؟ فين القيم والمبادئ اللي مش بتتجزأ؟ فين الدوري؟ اه الدوري هنا دوقني الدوري كده، تيجي تدوق يا غريمي ولا أنت مشغول مع ياسر وأنه بطل جوا وبرا الملعب؟”.
