درجات أبناء عائلات سوهاج.. حالة من الغضب الشديد سيطرت على رواد مواقع التواصل الاجتماعي خلال الساعات القليلة الماضية بعد ظهور نتيجة الثانوية العامة 2022 بسبب درجات أبناء عائلات معروفة في محافظة سوهاج، والتي جاءت مجموع عالي لعدد كبير من طلاب الصف الثالث الثانوي العام 2022.

نشطاء مواقع التواصل الاجتماعي تداولوا بيانات المجموع الكلي لعدد كبير من أبناء أسر العائلات الكبيرة في سوهاج مثل أبناء عائلة أبو عقيل وأبو قورة وآل رضوان والذين تراوح درجات الطلاب في الثانوية العامة 2022 بين 80% فأكثر، وهي تعد درجات مرتفعة في ظل انخفاض نسبة النجاح في الثانوية العامة 2022.

وكان وزير التربية والتعليم والتعليم الفني الدكتور طارق شوقي، قد اعتمد نتيجة الثانوية العامة 2022 مساء يوم الجمعة الماضي، وتبين حصول عدد كبير من أبناء العائلات الكبيرة في سوهاج على درجات عالية، وقال أحد رواد مواقع التواصل الاجتماعي: “أوائل الثانوية العامة 2022.. مدارس سوهاج وعائلات سوهاج.. آل أبو عقيل وآل الضبع وآل الدالي جهينة وآل قورة دار السلام والعائلتين من كبار عائلات سوهاج ودول نصفهم فى شرطة والنص التانى كليات عسكرية ربنا يرحمنا برحمته.. ودول الأحفاد والأبناء”.

تحويلات الطلاب قبل امتحانات الثانوية إلى لجان أبناء الأكابر في سوهاج

وتشهد مدارس سوهاج أزمة في التحويلات قبل امتحانات نهاية العام الدارسي للصف الثالث الثانوي العام كل سنة، وهو ما تصدت له وزارة التربية والتعليم بإلغاء التحويلات الحديثة في مدارس أولاد الأكابر.

وقال أحد أولياء الأمور الذي لم يحصد ابنه مجموع كبير في الثانوية العامة: “دا فساد ولا فساد ولا يمكن يكون فساد حسبنا الله ونعم الوكيل.. هو ده خصخصه التعليم للعائلات فقط.. حسبي الله ونعم الوكيل”.

وأضاف شخص آخر في تعليق على موقع التواصل الاجتماعي فيس بوك: “أنا ولية أمر لطالب بالثانوية العامة واللي نتيجته ظهرت حابة أقول لسيادة الوزير يا رب تكون حضرتك مبسوط بالانجاز اللي عملته دمرت جيل السنة اللي فاتت وجيل السنادي بالمنظومة اللي حضرتك بتقول عليها ناجحة وهي منظومة فاشلة منظومة دمرت طموح الطلاب دمرت أحلامهم دمرت مستقبلهم حسبي الله ونعم الوكيل”.

وأضافت: “حضرتك قولت إنه مكنش فيه غش وأن كل طالب جايب الدرجة بتاعته من مجهوده وبكده بتثبت أنك صح طيب هقول لحضرتك للمرة للتانية إنك غلط وأن كان فيه غش والطالب اللي غش هو اللي جاب مجموع عالي وهو اللي هيدخل طب وهندسة”.

رسالة ولي أمر طالب بالثانوية العامة إلى وزير التعليم

وتابعت: “الطالب اللي كان مطحون طول السنة وبيذاكر وحل من مجهوده للأسف فيه اللي جاب 50% و60% وشايلين مواد ومنهم اللي هيعيد السنة وعندنا طلاب مكنتش بتذاكر ولا يفقوه أي شيء وجايب فوق الـ90% يعني طب واللي جايب هندسة واللي مطحون طول السنة اتدمر يعني كان دخل دبلوم أكرمله من الظلم دا”.

وواصلت ولية الأمر في رسالتها لوزير التربية والتعليم: “كسرت فرحتنا وفرحة أولادنا دمرت مستقبلهم.. وامتحان القدرات لازم كل كلية تمتحن فيها تدفع 450 جنيها طيب تمام مفيش مشكلة نمتحن وندفع وفي الآخر الطالب علشان مفيش واسطة يرسب في الامتحان وضاعت الفلوس اللي ربنا عالم أهله جايبنهم منين”.

وقالت: “اللي معاه واسطة مبيدخلش الامتحان أصلا وبينجح.. الطلبة اللي جايبين مجاميع عالية حضرتك أعملهم اختبارات واسألهم في كل مادة سؤال وشوف هيجاوبوا فيه ولا لا أنا مش بتكلم عن كل الطلبة لأني عارفه أنه فيه طلبة متفوقة ونجحت بمجهودها ودي قلة قليلة ولكن بجد دا حقيقي مدارس كثير كانت سايبة اللجان وكان فيه غش ليه يا أفندم علشان منظومتك فاشلة وبرضو مش عايز تعترف”.

وأوضحت في رسالتها المطولة: “فيه طلاب كتير مصدومة يعني لما واحد يلاقي أنه جايب 6 في مادة وهو حالل فيها ومراجع مع مدرسه وشايفين أنه فيه غلطتين تلاتة ويتفاجئ بالدرجة دي معني كدا أنه دخل مكتبش حاجة أصلا.. الطلاب بتموت من الظلم اللي شايفينه وأن مستقبلهم ضاع وحلمهم اتدمر استفدت أيه من اللي بتعمله”.

وأضافت: “بنتي داخلة ثالثة ثانوي ولما شافت النتيجة امبارح وأن فيه طلاب ميعرفوش حاجة عن المنهج ولا ذاكروا أصلا وجايبين فوق الـ90% وطلاب تانين هي عارفة أنهم متفوقين ولكن فيهم اللي جايب مجموع 50% و60% واللي جايب أقل وهيعيدوا السنة وشافت أن تعبهم راح ومستقبلهم دمر والله دخلت تبكي وتقولي أنا خايفه بعد مجهودي واللي بعمله وتفوقي طول السنين دي يروح في لحظة قدام عيني وهي متفوقة وبتطلع من الأوائل طول عمرها خافت أن حلمها يضيع قدام عينيها خافت تدمر وهي شايفة أن مئات بل الآف الطلاب ادمرت أحلامهم”.

رد صادم من وزير التعليم على نتائج الثانوية العامة لأبناء عائلات شهيرة بالصعيد

وعقب تداول النتائج لطلاب أبناء العائلات في سوهاج قال الوزير تعليقا على كشوف أسماء طلاب من عائلات واحدة مشهورة حولت أولادها إلى المدارس وحصلوا على مجموع لا يقل عن 90%: “العائلات في صعيد مصر تتكون من 20 أو ٣٠ ألف شخص وهي أجيال متعاقبة”.

وأضاف في تصريح صحفي اليوم الأحد، أنه من الطبيعي أن يكون لدي العائلات عدد كبير من الأحفاد والأبناء في امتحانات الثانوية العامة، وأسماء هذه العائلات لا تظهر في قواعد البيانات مثل اسم عائلة “أبو عقيل” قد يكون الجد السادس أو السابع ، وبالتالي لا يمكن ربط أسماء الطلاب بهذه العائلات من قبل وزارة التربية والتعليم.

وطالب وزير التربية والتعليم الأهالي بعدم استباق النتائج مشيرا إلى أن الحكومة تحقق في هذه النتائج وسيتم إعلانها عقب انتهاء التحقيقات، قائلا: “لا نظن بالناس لأن بعض الظن إثم”.