خبيرة الأبراج ليلى عبداللطيف، اثارت الجدل من جديد، وده بعد تصريحاتها الأخيرة بعد فوز النادي الأهلي على الترجي التونسي وحصد لقب دوري أبطال أفريقيا 2024.. أيه اللي قالته العرافة اللبنانية؟ وليه قالت أنا أهلاوية؟ وإزاي رد عليها إمام عاشور ومحمود الخطيب؟.. خليكم معانا
ليلى عبد اللطيف سيدة التوقعات اللبنانية، طلعت بعد فوز الأهلي وهنأت الشعب المصري وجمهور النادي الأهلي، بعد فوزه بكأس دوري أبطال إفريقيا على فريق الترجي التونسي، وظهرت خبيرة الأبراج في «فيديو» بثته عبر قناتها الخاصة على يوتيوب علشان توضح عدد من النقاط بشأن المباراة، مؤكدة عدم الكشف عن أي توقعات سابقة عن مباراة الأهلي والترجي.
ليلى عبد اللطيف قالت في تصريحات صحفية: الحمد لله يارب..أنا مصرية وبخاف على مصر وبحبها وبحب الشعب المصري وكل شبر بأرض مصر بحبه، كمان أكدت على انتمائها للنادي الأهلي، وعقلت: أنا قولت في تصريحات تليفزيونية سابقة إن في فريق مصري هيفوز في كرة القدم والشعب المصري هيفرح.
وعن التوقعات المنسوبة ليها بشأن فوز فريق الترجي التونسي، أكدت أنها تصريحات غير صحيحة.، وأكدت: أنا بطلع على قناتي على يوتيوب وبوضح، فلو كان فيه شيء من غير صوت وصورة فده غير حقيقي ومش أنا.
وكملت كلامها وقالت: عشان يجيبوا نسب مشاهدة بيطلعوا يتكلموا في اللي عاوزينه، والحديث المتداول بشأن توقعاتي لمباراة الأهلي والترجي عار من الصحة، واستكملت: لو مسمعتوش صوتي وشوفتوني بالصوت والصورة يبقى مش أنا، ونوهت: أنا قلت في تصريحات تليفزيونية سابقة إن مصر ليها أدوار بالفوز، معنديش علم إن فيه مباراة أصلًا ولا أعرف مين الفرق، معنديش توقعات.
عدد من رواد مواقع التواصل الاجتماعي، كانوا تداولوا توقعات منسوبة لـ ليلي عبداللطيف بتفيد بعدم تسجيل النادي الأهلي أهداف في مرمى الترجي، وده اللي حصل بالفعل في مواجهة الذهاب اللي جمعت بين الفريقين السبت اللي فات على ملعب رادس وانتهت بالتعادل السلبي.
التوقعات دي إلى انقسام المتابعين على «السوشيال ميديا»، بين مؤيد ومعارض، ففي الوقت اللي أفاد فيه البعض بأن معظم توقعات ليلي عبداللطيف تحققت منذ بداية عام 2024، قلل آخرون من التوقعات دي وقالوا: «ليس لها أساس من الصحة، وتعد من بين الخرافات»، مستشهدين بآيات من القرآن الكريم اللي تؤكد ذلك.
والعرافة اللبنانية كانت قالت إن فريق الترجي هيفوز في ماتش واحد من الاتنين اللي هيلعبهم قدام الأهلي.. ولما لعب مباراة الذهاب اتعادل فيها.. يبقي هيفوز في ماتش العودة يعني هياخد الكاس.
وقالت كمان إن الترجي فريق دفاعه قوى.. ومش هيدخل فيه أجوال قدام الأهلي عشان دفاعه الصلب.. والمدرب بتاعه بيعتمد على الدفاع وهيقدر يحافظ على نظافة شباكه.
لكن بعد تراجعها في التوقعات الإعلامي محمد شبانة قال إن جمهور الأهلي هاجمها ورجعت في كلامها غير جماهير.. ده مفيش حد في العالم عرف يخليها ترجع في كلامها.
جمهور الأهلي عنده جبروت، والفريق حقق إنجازات كبيرة في دوري الأبطال خلال الـ5 سنين اللي فاتوا ووصل للنهائي القاري الخامس على التوالي، وفاز بـ4 ألقاب على حساب الترجي التونسي.
ورسخ الأهلي أنه البطل الدائم وهيفوز على الجن ابن العفريت في النهائي.. المارد الأحمر رسخ فكرة أنه البطل الدائم لدوري أبطال إفريقيا، وجمهور عنده جبروت كبير، ولعيبة الأهلي عندهم الشخصية القوية في الملعب، ومتمرسين ديما على خوض النهائيات.. وصعب أن أي حد يتخيل فوز الترجي باللقب.. لأن العدالة الدنيوية لأي كيان يجتهد هو تتويجه بالألقاب.
