“براحة شوية على الأهلي”.. جهاد جريشة يفجر مفاجآت عن تحكيم مباريات الأهلي والزمالك

براحة شوية على الأهلي.. ليه عامل زي القطر”.. جهاد جريشة يفجر مفاجآت عن تحكيم مباريات الأهلي والزمالك.. مين اللي قاله كدا؟.. وعمل أيه؟.. وسيد عبدالحفيظ عمل معاه أيه؟

مسئول قالي براحة شوية على الأهلي.. أنت ليه عامل زي القطر كدا.. أهدأ مع الأندية الكبيرة.. ده الكلام اللي قاله الكابتن جهاد جريشة الحكم الدولي السابق عن تعامل الحكام مع لعيبة الأهلي والزمالك في الماتشات.. لكن جريشة رد وقال أيه؟.. وأيه الأسرار والمفاجآت اللي كشفها عن التحكيم؟.. ومين المسئول اللي طلب منه الطلب الغريب؟.. وإزي الكابتن سيد عبدالحفيظ اتعامل معاه وقاله أيه؟.. ده اللي هنعرفه مع بعض في الفيديو ده.. صلى على النبي وكمل معانا الفيديو للآخر واسمع تفاصيل الحكاية.

في الفترة الأخيرة الأندية بتشتكي من أخطاء الحكام في المباريات وكل شوية يقدموا شكاوي ويطلعوا بيانات ضد التحكيم ويطلبوا من اتحاد الكرة التحقيق معاهم.. ومن أهم الأندية اللي بيشتكوا من التحكيم الأهلي والزمالك اللي بيطالبوا بتغيير الحكام لما بيغلطوا.

وبطل حكاية النهاردة هو الحكم الدولي السابق جهاد جريشة واحد من أشهر حكام الدوري اللي اتكلم عن التحكيم وفجر مفاجأة لما اتسأل عن مجاملة الأهلي والزمالك وقال

الحكم المصري ذكي جدا.. بينزل الملعب يكو عايز يكسب هو مش أي حد تاني.. وكنت بنزل أخد قرارات تزعل الأهلي والزمالك في الملعب.. أنا بقراراتي مش فارق معايا الأهلي والزمالك يكسبوا أو يخسروا.

المفروض كرئيس لجنة حكام أدي الحكم قوته وأقوله انزل اللي تشوفه احسبه.. والناس بتشوف التوجه بتاع الحكم في الشارع والمفروض كل واحد ياخد حقه.

لكن البيانات اللي الأندية بتطلعها خصوصا الأهلي والزمالك بتأثر على الحكام وديما بنحس الحالة بتتغير لما يطلع البيان.. بنلاقي الحكام بتطبط على النادي الزعلان… فالأندية بتعمل ده عشان تاخد مصلحتها.

أنا في التحكيم بكون زي القطر اللي بشوفه بحسبه.. وارد أغلط بس من جوايا عايز انزل أحقق العدالة.

الإعلامي كريم رمزي سأله هل حد قبل كدا قالك: “متزعلش الاهلي أو الزمالك”.. جهاد جريشة رد وقال رؤساء لجنة  الحكام اللي مسكوني عارفين أني لا بشجع الأهلى ولا الزمالك.. وجماهير القطبين بيزعلوا مني.

بس في مرة اتقالي من رئيس لجنة حكام: “أنت عامل زي القطر على الأهلي.. ما ينفعش ده.. لازم تبقى أهدى شوية على الأهلي والزمالك.. الفرق الكبيرة لازم نراعيها”.

لكن أنا قولت مينفعش تقولي كدا مش فارق معايا أهلى ولا زمالك أنا بعمل اللي شايفه صح.

وعشان ننجح لازم نحقق العدل بين كل الفرق.. إحنا عايزين اتحاد كرة قوي جدا يكون أقوى من الأندية.. والقرارات تكون قوية.. وعشان تنجح الكرة المصرية ومعاها التحكيم محتاجين ناس متحاولش تراضي يمين وشمال.. لازم تعمل الصح.. واللي مش راضي النهاردة هيرضي بكرة وهيحترمك بعد كدا.

الحكم جهاد جريشة كان ديما فيه خلاف بينه وبين سيد عبدالحفيظ مدير الكرة السابق في الأهلي.. اللي قال: “همسح نمرة جهاد جريشة من موبايلي، كل ما يغلط يكلمني يعتذر ليا”.

سيد شايفه أنه بيجامل الزمالك.. واتكلم عن غلطه في ماتش مصر المقاصة ومرضيش يحسب ضربة جزاء فضيحة للزمالك في موسم 2017-2016.

وقال: “جهاد جريشة بعد ماتش الزمالك ومصر المقاصة، بيتهيألي إن كل تفكيره إزاي يعوض الزمالك عن الخطأ ده.. حكم لينا قدام بيراميدز 3 مباريات بـ 3 كوارث، في الكأس ببرج العرب وخناقة بعد المباراة هو السبب فيها.. وركلة جزاء محمد حمدي.. المباراة الثانية في استاد الدفاع الجوي والحكم على تقنية الفيديو يقول التلامس حصل في الهواء وركلة الجزاء لا تُحتسب، وهدف والتر بواليا”.

جهاد جريشة حكم للزمالك وبيراميدز ضميره بيأنه، فعايز يعوض، وحسب للزمالك ضربة الجزاء في آخر ثانية