الكلام لما ييجي من القريب يوجع.. وده اللي حصل مع جماهير الزمالك اللي بتهاجم الكابتن حازم إمام بعد تصريحات التاريخية اللي انتقد فيها بعض المنتمين للقلعة البيضاء .. الثعلب قال إن جماهير الأهلي بتحبني وكانت بتشجعني.. والأهلي كل يوم بيكسب بطولات جديدة.. لكن أيه اللي قاله وزعل الزملكاوية؟.. ورأيه أيه في إمام عاشور وكهربا؟.. وإزي شايف زيزو؟.. ومين اللي خبي جواب طلب استضافة الأهلي لبطولة دوري أبطال أفريقيا؟.. ده اللي هنعرفه مع بعض في “قشة لفة بلس”.
حازم إمام عضو مجلس اتحاد الكرة ونجم الزمالك السابق كان ضيف الإعلامي إبراهيم عبدالجواد واتكلم في مواضع مهمة زي تشجع جماهير الأهلي ليه وقال: “90% من ماتشات القمة اللي لعبتها كان جمهور الاهلي بينده عليا زي لاعيبة الاهلي بالظبط”.
زي ما كانوا بيندموا على الـ١١ لاعيب بتوع الأهلي كانوا بيندهوا عليا.. مش جمهور الاهلي بس في المصري وكمان في أسيوط مثلا كان جمهور الخصم ينادي عليا.
كان فيه لاعيب معانا في الزمالك اسمه جونيور كان بيقولي أنا ماشوفتش كده في حياتي جمهور الخصم ينادي على لاعيب منافس ليه.
حازم إمام انتقد كلام الزملكاوية عن حق نادي الزمالك في لقب نادي القرن.. ومين المفروض الأحق باللقب.. خصوصا بعد ظهور أحمد حسام ميدو وكلامه عن نادي القرن مع المهندس عدلي القيعي.. وقال: هنقعد نتكلم 8 سنينن.. لحد إمتى هنفضل نتكلم على لقب نادي القرن.. الزمالك بيبص ورا والأهلي فاز بعدد كبير من البطولات الأفريقية في القرن الجديد”.
الثعلب قال: “الأهلي كسب بطولات كثيرة في القرن الجديد وإحنا لسة بنتكلم في الماضي، نتكلم بقى في الحاضر إحنا مخدناش ولا بطولة في دوري أبطال أفريقيا.. إحنا مقتنعين إننا كنا الأفضل في القرن الماضي، ولكن إحنا فين من القرن الجديد.. أنا مقتنع إن الزمالك كان الأفضل في القرن الماضي ولكن أنا شايف إن الكلام حاليًا على لقب نادي القرن ملوش لازمة”.
مش بس كدا ده حازم إمام اتكلم عن أزمة حسين الشحات ومحمد الشيبي وليه اتحاد الكرة متخاذل في المشكلة دي وقال: “بعض الناس المفروض فاهمين بتقول اتحاد الكورة ادى اللي انضــرب ايقاف 6 ماتشات واللي ضرب خد ماتشين”.
انا مليش دعوة بالماتشين والقلم بتاع الشحات والشيبي دي حاجة تبع رابطة الأندية مش بتاعتي.. أنا كاتحاد الكورة جالي حالة إن في لاعب راح عمل محضر للاعب في القسم.. لازم اتعامل مع الحالة دي.. الحالة دي الاتحاد الدولي “فيفا” عنده نص صريح مينفعش تروح للحاجات دي.
وحكى عن واقعة انضمام إمام عاشور لقائمة منتخب مصر وقال: “كلمت كهربا عشان أعرف أوصل لـ إمام عاشور بعد اختياره في قائمة منتخب مصر عشان ماكنش حد فينا وقتها عارف يوصل لإمام ولا حتى خالد بيبو”.
رساللتي لإمام عاشور هي ماتركنش على حب جماهير الأهلي ليك علشان انت جاي من الزمالك.. أنت لاعيب عنده يمتلك مقومات كثيرة للنجاح وهو مفيد لفرقته.
نسخة إمام عاشور مع الزمالك كانت أفضل، واللاعب كان بيبذل مجهود وعنده رغبه غي إثبات ذاته قدام الجميع.. لكن دلوقتي جماهير الأهلي بتدعمه بقوة وده السبب في تراجع مستواه مع الأهلي مقارنة بالزمالك.
حازم إمام اتكلم عن نجم نادي الزمالك أحمد مصطفى زيزو وقال أنه أفيد لفريقه في الفترة الحالية.. ومستواه ثابت في الفترة اللي فات وده أفضل حاجة فيه.. وبيقدم إضافة فنية كبيرة للفريق.
