فيه حاجات لو اتعرفت تهد الفريق.. ورمضان صبحي هيرجع.. مدرب الأهلي يفجر مفاجأة عن خناقات الشناوي وكهربا مع كولر.. أيه اللي بيحصل في أوضة اللبس!
لو موجود في الأهلي هرجع رمضان صبحي.. ده لسه صغير في السن ومستقبل النادي.. وكلنا بنغلط.. ومش عايز اتكلم على المشاكل اللي في غرفة ملابس الأهلي دلوقتي.. في حاجات لو اتعرفت تهد الفريق.. ده اللي قاله الكابتن حسام البدري وفاجئ بيه الجماهير وأثار الجدل.
لكن أيه اللي مش عايز يقوله مدرب الأهلي السابق؟.. وليه عايز يرجع رمضان صبحي؟.. وأيه حكاية خناقة الشناوي وكهربا مع كولر؟.. ده اللي هنعرفه مع بعض في “عرب 22”.
الكابتن حسام البدري المدير الفني السابق للأهلي كان ضيف الإعلامي مدحت شلبي واتكلم عن المشاكل للي موجودة في الفريق وإزي المدير الفني مش عارف يسيطر على الخلافات دي.. وبقي طرف أساسي في الأزمات دي.
البدري قال: “الأهلي عنده بعض الحالات فيها توتر.. مش عايز أقول أسماء.. فيه بعض المراكز فيها توتر وخلافات.. وفي نفس الوقت الحفاظ على نقاط أخرى زي غرفة الملابس والهدوء والاستقرار وضغط المباريات”.
مفيش داعي المدرب يدخل في نقاط أخرى.. لازم فيه حاجات معينة عند المدرب ياخد باله منها.. عشان يكون في هدوء واستقرار.
مدحت شلبي رد عليه وقاله: “أنا فهمت من كلامك إن في مشكلة حصلت ولاعب تم تجميده واستبعاده اللي هو كهربا بالبلدي كدة.. وكل الناس عارفة ده وبقيت قضية رأي عام”.. وسأل البدري وقاله: “أنت لو مدير فني وبتعمل تمرين وفي لاعب خرج من التمرين هتعمل أيه؟
البدري رد عليه وقاله: “الكلام ده مرفوض.. الالتزام عندي نمرة واحدة. لكن خبرتي كمدير فني مش عايز أفتح مشاكل أخرى.. فيه حاجات في الأهلي لو اتعرفت تهد الفريق واحنا داخلين على منافسات قوية وعايزين نحافظ على الفريق عشان ياخد الدوري اللي بينافسه بيراميدز عليه.. إحنا برضو ولاد النادي ويهمنا مصلحته”.
ورد عليه عصام الحضري حارس الأهلي السابق وقال: “كهربا قريب مني وهو شخص طيب جدا.. ولاعب جيد، لكن أفضل فتره ليه وقت جمع الغرامه الموقعه عليه لصالح الزمالك بسبب هروبه من الفريق.. وكان ملتزم.. وبعد أزمته ما خلصت رجع يفتعل الأزمات”.
المفروض يستمر على اللي كان عليه.. أكيد في قرار في الاهلي بشأن كهربا وهيتعلن وأنا مع قرار استبعاده”.
حسام البدري رد عليه وقاله: “لازم كهربا يتعاقب لأنه مش ملتزم بتعليمات المدرب.. ولازم يتقبل العقوبه ويجهز نفسه ولازم اللعيبة الكبار توجيه ليه النصح عشان يرجع عن اللي بيعمله.
كهربا عمل مشكلة بعد ماتش فاركو في الدوري لما كولر طلب تنظيم فترة تدريبية للاعبين المستبعدين من المباراة وكهربا ساب المران ومشي ومقالش لحد من الجهاز الفني.. وبلغ زمايله أنه عنده إجهاد عضلي.
وده اللي آثار غضب كولر اللى قرر توقيع عقوبة مالية عليه.. وخرجه من قائمة ماتش طلائع الجيش وبيفكر في تجميده وبلغ لجنة التخطيط أنه موافق على رحيله عشان مثير للمشاكل.. ومش ملتزم بقرارات الجهاز الفني.
البدري اتكلم عن رأيه في رجوع رمضان صبحي للقلعة الحمراء وقال: “لو كنت رئيسًا لجهاز الكرة بالأهلي، كنت هعمل على استمرار رمضان صبحي، في صفوف الفريق.. ولو أنا مدير فني للأهلي كنت هطلب عودة رمضان صبح، للأهلي.. المدير الفني يهمه دائمًا مصلحة الفريق.
رمضان صبحي كان مشي من الأهلي في صيف 2020 بعد نهاية إعارته من نادي هيدرسفيلد تاون الإنجليزي وراح فريق بيراميدز بعقد لمدة 5 سنين ورفض عرض الأهلي.
