الخطيب كلمه وعرض إماراتي مغري.. صراع ثلاثي على مهاجم المنتخب الأولمبي.. واللاعب: “الأهلي فاوضي ومثلي الأعلى زيزو”
“عايز الأهلي عشان البطولات.. وجلسة في مكتب الخطيب”.. مزاد علني على نجم المنتخب الأولمبي بعد تدخل الزمالك.. وعرض إماراتي مغري
جلسة في مكتب الخطيب سهلت الصفقة.. الزمالك ينافس الأهلي على خليفة زيزو.. واللاعب: هلعب للي يقدرني
مهاجم المنتخب الأولمبي بقي حلقة جديدة من صراع الأهلي والزمالك على الصفقات.. وكمان نادي الوحدة الإماراتي اللي دخل على الخط ورئيس ناديه فتح المزاد على اللاعب واللي هيدفع أكتر هو اللي هياخد الصفقة.. لكن نجم المنتخب قال أنا عايز الأهلي.. البطولات والفلوس هناك.. مين هو اللاعب ده؟.. وإزي الكابتن محمود الخطيب هيقدر يحسم الصفقة؟.. ده اللي هنعرفه مع بعض في “عرب 22”.
اللاعب اللي بنتكلم عليه عنده 21 سنة ويعتبر واحد من أهم المواهب الصاعدة في الكرة المصرية ومش أول مرة الأهلي والزمالك يفاوضوه لكن رئيس ناديه شاطر وبيعرف يكسب ويجيب فلوس كتيرة من الأهلي والزمالك.. وبيطلع لعيبة للقطبين بس.. النجم ده هو أحمد نادر حواش مهاجم فريق إنبي.
وقبل بداية المفاوضات الكابتن محمود الخطيب قعد مع رئيس نادي إنبي أيمن الشريعي في فرع النادي بالتجمع الخامس.. في جلسة جت بالصدفة ومكنش مرتب ليها.. وده لما تصادف وجود أيمن الشريعي في الأهلي فطلبه الكابتن الخطيب واستقبله في مكتبه وقعدوا أكتر من نص ساعة يتكلموا عشان يلطفوا الأجواء بين الناديين خصوصا أنها مش حلوة بين الطرفين من بسبب صفقة انتقال حمدي فتحي من إنبي للأهلي.
لكن الأمور اتحلت شوية بسبب مصطفى شلبي لاعب الزمالك اللي قال إنه فضل الزمالك على الأهلي لكن الشريعي طلع وكذبه.. وده اللي فتح باب التفاوض على صفقة مهمة جدا وهي أحمد نادر حواش جناح ومهاجم لاعب إنبي.
اللي الإعلامي الأهلاوي أمير هشام كشف عن تفاصيل خناقة الأهلي والزمالك عليه وقال المسئولين في نادي إنبي برئاسة أيمن الشريعي قالوا لمهاجم الفريق أحمد نادر حواش فيه استفسار من الأهلي والزمالك عشان يضموك في الصيف.
المسئولين في القطبين استفسروا عن إمكانية التعاقد مع اللاعب في فترة الانتقالات الصيفية.. ومعاهم نادي الوحدة الإماراتي اللي عنده رغبة في التعاقد مع حواش.
وإدارة القلعة الحمراء بدأت التفاوض مع اللاعب خصوصا بعد ترشيح إدارة الإسكاوتينج اللي شايفة إن اللاعب صغير في السن وبنسبة كبيرة هيروح يحترف في الخارج عشان إمكانياته الكبيرة اللي تأهله أنه هيكون مستقبل خط الهجوم في السنين الجاية.
وعشان الكابتن محمود الخطيب عايز يخطف اللاعب قبل الاحتراف برة مصر ويعرف يستفيد منه وخلى إدارة مكتبه تواصلت مع اللاعب اللي رحب بعرض الأهلي وقال إن عايز يلعب في القلعة الحمراء عشان يكسب بطولات.
اللاعب اتكلم عن مستقبله وقال في حوار مع موقع “كورة”: “جالي أكتر من عرض من الأهلي والزمالك، لكن المفاوضات توقفت.. وأنا بحترم وأقدر نادي إنبي.. ورحيلي هيكون من خلاله.. وطموحي الاحتراف في الخارج.
خصوصا أنه جالي عرض هامبورج الألماني سنة 2022، وكان عبارة عن فترة معايشة، لكن موصلش النادي الألماني لاتفاق مع إنبي.. ومجلس إدارة إنبي مش ضدي وعلاقتي محترمة بيهم وهم عايزيني احترف بس بصورة تليق بالنادي وبيا.
وفي فترة انتقالات يناير 2024 جالي عرض من نادي الوحدة الإماراتي، لكن موصلناش لاتفاق نهائي.. وعقدي مستمر مع إنبي لحد نهاية موسم 2027، وعشان كدا رحيلي هيكون عن طريق النادي.
أنا بحب ألعب في مركز رأس حربة وبتألق فيه أنا ملتزم بتعليمات الجهاز الفني.. ومحمد صلاح بيتواصل معايا وديما بيحفز زمايله وهو أسطورة،، وفي مصر بحب اتفرج على أحمد مصطفى زيزو، نجم الزمالك هو مثلي الأعلى لكن على المستوى العالمي بعشق ميسي.
وأي لاعب في مصر يحب يروح الأهلي أو الزمالك بس أنا مرتبط بعقد مع إنبي ومش همشي إلا بموافقة الإدارة.. وهدفي الانضمام لمنتخب مصر الأول
